ភ្នំពេញ៖ ក្រោយពីតារាសម្ដែងស្រី និងជាពិធីការិនីដ៏មានប្រជាប្រិយភាព កែវ សីហា និង ស្វាមី បានស្វែងយល់ចិត្តគ្នាជាច្រើនឆ្នាំនោះ ក៏បានសម្រេចចិត្តកាន់ដៃគ្នាចូលរោងជ័យតាមប្រពៃណី ធ្វើឲ្យបណ្ដាអ្នកគាំទ្រនិង មិត្តៗក្នុងសង្គមសិល្បៈសម្ដែងអារម្មណ៍ត្រេកអរយ៉ាងច្រើនតែម្ដង ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ គេសង្កេតឃើញថា តារាស្រី កែវ សីហា និងស្វាមីពិតជាស្រស់ស្អាតខណៈពេលអ្នកទាំងពីរបានគ្រងសម្លៀកប្រពៃណី និងមានភាពលេចធ្លោខ្លាំងមែនទែន ជាមួយនឹងស្នាមញញឹមក្នុងថ្ងៃរៀបអាពាហ៍ពិពាហ៍របស់ខ្លួន។ ក្នុងនោះផងដែរ កែវ សីហា និងស្វាមី ត្រូវបានគេសរសើរមិនដាច់ពីមាត់នោះទេ ថាពិតជា សាកសមនឹងគ្នាណាស់។
តែអ្វីដែលធ្វើឲ្យបណ្ដាប្រិយមិត្តមានការចាប់អារម្មណ៍ខ្លាំងនោះគឺ តារាៗប្រុស ស្រី បានចូលរួមក្នុងពិធីមង្គលការរបស់ កែវ សីហា យ៉ាងច្រើនកុះករ អមទៅដោយការតុបតែងខ្លួនយ៉ាងទាក់ទាញ មើលទៅពិតជាអធិកអធមខ្លាំងតែម្ដង។
គួរឲ្យដឹងផងដែរថា តារាសម្ដែងស្រី កែវ សីហា និងស្វាមីដែលមានឈ្មោះថា ហឹង សត្យា ជាវេជ្ជបណ្ឌិតម្នាក់ ដែលមានមុខមាត់ស្រស់សង្ហានោះ មិនទាន់បានបង្ហើបថាក្រោយពីអ្នកទាំងពីររៀបការរួចនោះ និងធ្វើដំណើរក្រេបទឹកឃ្មុំនៅក្នុងស្រុក ឬក្រៅស្រុកនោះទេ ៕
តោះទៅទស្សនារូបភាពទាំងអស់គ្នាណា៖