ព័រទុយហ្កាល់៖ ខ្សែបម្រើសញ្ជាតិព័រទុយហ្កាល់កីឡាករ Bruno Fernandes ដែលជាគោលដៅរបស់ក្លិប Man Utd, Real Madrid និង Spur បានសម្រេចចិត្តចុះកុងត្រាថ្មីរយៈពេល៤ឆ្នាំជាមួយនឹងក្លិប Sporting Lisbon កាលពីថ្ងៃអង្គារកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងកុងត្រាថ្មីនេះ ត្រូវបានគេសង្កេតឃើញថា ក្លិប Sporting បានបង្កើនតម្លៃទិញផ្ដាច់កុងត្រារបស់ Fernandes ពីតម្លៃ ៦៥លានផោន (ឬប្រហែល៨៣លានដុល្លារអាមេរិក) រហូតដល់តម្លៃ ៨៥លានផោន (ឬប្រហែល១០៩លានដុល្លារអាមេរិក)។
កីឡាករវ័យ២៥ឆ្នាំរូបនេះបានបង្ហាញទម្រង់លេងយ៉ាងលេចធ្លោជាមួយនឹងក្រុម Sporting ដោយកាលពីរដូវកាលមុន ក្នុងនាមជាខ្សែបម្រើរូបគេរកគ្រាប់បាល់បានរហូតដល់ទៅ៣១គ្រាប់ ចំណែកឯក្នុងរដូវកាលនេះ រូបគេក៏នៅតែបន្តទម្រង់លេងបានល្អផងដែរ ដោយ១៧ប្រកួត ស៊ុតបញ្ចូលទីបាន៩គ្រាប់និង Assists អោយមិត្តរួមក្រុមបានចំនួន៦ដង។
កីឡាករ Fernandes បាននិយាយអំពីការបន្តកុងត្រាថ្មីរបស់ខ្លួនជាមួយនឹងក្លិប Sporting ថា៖
គួររម្លឹកផងដែរថាកីឡាករ Bruno Fernandes បានចាកចេញពីក្លិប Sampdoria មកចូលរួមជាមួយនឹងក្លិប Sporting Lison កាលពីឆ្នាំ២០១៧ ជាមួយនឹងតម្លៃផ្ទេរ៩,៦៩លានអឺរ៉ូ (ឬប្រហែល ១០,៦លានដុល្លារអាមេរិក) ដោយបង្ហាញខ្លួនសរុបបានចំនួន១២៦ប្រកួត ស៊ុតបញ្ចូលទីបាន៥៧គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន៤៤ដង៕
ប្រភព៖ Skysports