ហ្វីលីពីន៖ ព្យុះត្រូពិចមួយដែលមានឈ្មោះថា Kammuri ដែលស្ថិតនៅចម្ងាយ ១,៩៥០គីឡូម៉ែត្រពីភាគខាងកើតកោះ Visayas នៃប្រទេសហ្វីលីពីន និងមានល្បឿនខ្យល់ពី ៨៥ ទៅ ១០៥គីឡូម៉ែត្រក្នុងមួយម៉ោង នឹងឆ្ពោះសំដៅទៅកាន់ប្រទេសហ្វីលីពីន​ នេះបើយោងតាមការិយាល័យឧតុនិយមរបស់រដ្ឋនៃប្រទេសហ្វីលីពីននៅថ្ងៃនេះ។

ព្យុះនេះនឹងត្រូវប្ដូរឈ្មោះទៅជា Tisoy នៅពេលវាមកដល់ប្រទេសហ្វីលីពីនក្នុងសប្ដាហ៍នេះដែលជាពេលត្រូវបើកការប្រកួតកីឡាស៊ីហ្គេមលើកទី៣០។ ព្យុះនេះជាព្យុះទី២០នៅក្នុងឆ្នាំនេះដែលនឹងត្រូវបានព្យាករណ៍ថានឹងមានកម្លាំងកាន់តែខ្លាំង ពេលមកដល់ភាគខាងកើតកោះ Visayas និង Bicol នេះបើតាមសម្ដីរបស់អ្នកព្យាការណ៍អាកាសធាតុ។

ព្យុះ Kammuri​ មើលពីផ្កាយរណប

នៅក្នុងព្រឹត្តិការណ៍ប្រកួតកីឡាស៊ីហ្គេមឆ្នាំនេះ មានទីលានប្រកួតចំនួន ៥៦នៅទីក្រុងម៉ានីល និងផ្សេងទៀតនៅលើកោះ Luzon ដែលមានខេត្តដូចជា Tarlac, Zambales, Laguna និង Cavite ហើយនឹងចាប់ផ្ដើមនៅថ្ងៃសៅរ៍នេះ។

ចំណែកអ្នករៀបចំព្រឹត្តិការណ៍កីឡានេះកំពុងដោះស្រាយបញ្ហាធ្វើដំណើរ ទីកន្លែងស្នាក់នៅ និងអាហារហូបចុកដើម្បីទទួលស្វាគមន៍អត្តពលិកទាំងឡាយ។ នៅតំបន់ និងខេត្តមួយចំនួនក្នុងប្រទេសហ្វីលីពីនអាចនឹងមានពពកក្រាស់ និងផ្គររន្ទះនៅថ្ងៃពុធ។ ភ្លៀងខ្សោយនឹងបង្អុរនៅតំបន់និងខេត្តមួយចំនួនដូចជា Cordillera, Cagayan Valley, Bicol Region,  Aurora និង Quezon ហើយនៅទីក្រុងម៉ានីលមានអាកាសធាតុជាធម្មតា និងតំបន់ផ្សេងទៀតនៃប្រទេសអាចនឹងទទួលឥទ្ធិពលភ្លៀង៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]