សាហាវណាស់លោកព្រះ! មួយដៃ ដេកផ្គាប់មុខ បញ្ឈប់ការប្រកួតត្រឹមទឹកទី១ រញ្ជួយសង្វៀន MX (មានវីដេអូ)

បាងកក៖ ការប្រកួតប្រដាល់សេរី ក្នុងកម្មវិធី MX Muay Xtreme របស់ប៉ុស្ដិ៍លេខ៣១ នៅប្រទេសថៃ កាលពីថ្ងៃអាទិត្យកន្លងទៅ កីឡាករកម្ពុជា ប៊ឺត សង្ឃឹម បានប្រកួតចាញ់កីឡាករម្ចាស់ផ្ទះថៃ ម៉ាំងកនថង ដោយលោកអាជ្ញាកណ្ដាលបញ្ឈប់ការប្រកួតនៅក្នុងទឹកទី១។

ការប្រកួតធ្វើឡើងក្នុងប្រភេទទម្ងន់ ៥៨គីឡូក្រាម និងមានតែ ៣ទឹកប៉ុណ្ណោះ។ គ្រាន់តែគោះជួងចាប់ផ្ដើមការប្រកួតភ្លាម កីឡាករទាំងពីរមិនបានបង្អង់យូរសម្រុកគ្នាខ្លាំងៗតែម្ដង។ យ៉ាងណានៅពាក់កណ្ដាលទឹក កីឡាករថៃបានវាយ ប៊ឺត សង្ឃឹម ឲ្យលោកអាជ្ញាកណ្ដាលរាប់ដល់ទៅ២ដង​មុននឹងប្រើដៃឆ្វេងវាយឲ្យលោកអាជ្ញាកណ្ដាលបញ្ឈប់ការប្រកួតរបស់ ប៊ឺត សង្ឃឹម តែម្ដងនៅក្នុងទឹកទី១នោះ៕

ចង់ឃើញកណ្ដាប់ដៃរបស់កីឡាករថៃ ម៉ាំងកនថង ធ្ងន់យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖