គ្នាយើងខ្លះ ប្រហែលជាទម្លាប់ ព្រឹកឡើង ទាល់តែបានកាហ្វេ ១កែវសិន ទើបមានអារម្មណ៍ស្រស់ស្រាយ អាចធ្វើការបានល្អ។ បើមិនអ៊ីចឹងទេ ខួរក្បាលហាក់ដូចជាស្ពឹក រកគិតធ្វើអី មិនសូវល្អ។ ខ្លះទៀត ដោយសារបំពេញការងារច្រើនម៉ោង អស់កម្លាំង ខួរក្បាល ក៏ចាប់ផ្ដើមចុះខ្សោយក្នុងការគិតគូរ និងដោះស្រាយបញ្ហានានាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះយ៉ាងណា មានតិចនិកចំនួន ៧ ដែលយើងអាចប្រើ ដើម្បីដាស់ខួរក្បាល មកប្រើប្រាស់បាន ប្រសិនបើយើងពិតជាត្រូវការចាំបាច់ខ្លាំង។ តិចនិកទាំងនោះ មានដូចជា៖
១. ខាំក្រូចឆ្មា
មិនថា យើងចូលចិត្ត ឬមិនចូលចិត្តនោះទេ ប៉ុន្ដែរសជាតិដ៏ជូរខ្លាំងរបស់ក្រូចឆ្មា ពិតជាអាចរំញោចដល់ខួរក្បាលរបស់យើង ដូចទះ ១កំភ្លៀងអ៊ីចឹង។
២. លុបមុខជាមួយទឹកត្រជាក់
នៅពេលត្របកភ្នែករបស់យើងកាន់តែធ្ងន់ៗទៅ យើងអាចលុបមុខជាមួយនឹងទឹកត្រជាក់ ព្រោះវាជាមធ្យោបាយមួយ ជួយឲ្យយើងភ្ញាក់ឡើង និងរក្សាថាមពល។ យើងក៏អាចយកដុំទឹកកក មកដាក់លើកញ្ចឹងកបានផងដែរ។
៣. លាងកដៃជាមួយទឹកត្រជាក់
តិចនិកនេះ ស្រដៀងនឹងការលប់មុខជាមួយនឹងទឹកត្រជាក់ផងដែរ ហើយវាប្រើក្នុងករណីយើង Makeup ផ្ទៃមុខ ហើយមិនទាន់ចង់លាងមុខចេញ។
៤. ម៉ាស្សាត្រចៀក
តិចនិកនេះ ជួយបំបាត់បញ្ហាងងុយដេក ដោយការទាញចុងត្រចៀក ឲ្យខ្លាំង។ ការសង្កត់ជីពចរត្រចៀក អាចជួយឲ្យយើងភ្ញាក់ឡើង។
៥. ស្ងាបដោយបង្ខំ
ស្ងាបជាប្រតិកម្មរាងកាយ ដើម្បីសម្រួលដល់ខួរក្បាល។ នៅពេលយើងអស់កម្លាំង ឬធុញ សីតុណ្ហភាពខួរក្បាលរបស់យើងកើនឡើង ដូច្នេះយើងអាចហាមាត់ស្ងាប ដើម្បីប្រឆាំងនឹងបញ្ហានេះ។ ពេលយើងបង្ខំហាមាត់ស្ងាបដូច្នេះ ពី ៧-១០ដង ខួរក្បាលរបស់យើងនឹងរំញោចឡើង។
៦. ទំពាររបស់អ្វីមួយ
យើងអាចធ្វើមាត់ឲ្យរវល់ ដោយការទំពារស្ករកៅស៊ូ ឬរបស់អ្វីមួយ ដែលមានរសជាតិជីអង្កាម។ បើវាមានរសជាតិកាន់តែខ្លាំង នោះប្រសិទ្ធភាពដែលធ្វើឲ្យខួរក្បាលរបស់យើងភ្ញាក់ ក៏កាន់តែខ្លាំងដែរ។
៧. សម្រួលសាច់ដុំ
ការពត់ខ្លួន ឬការសម្រួលសាច់ដុំក្នុងរាងកាយ ក៏ជាវិធីជួយរំញោចដល់ខួរក្បាលផងដែរ ហើយនេះជាមធ្យោបាយល្អមួយ ប្រសិនបើយើងមិនចូលចិត្តការផឹកកាហ្វេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T