ប្រេស៊ីល៖ ក្រុមបាល់ទាត់ Flamengo របស់ប្រទេសប្រេស៊ីលបានធ្វើការដង្ហែពាន Copa Libertadores ដែលជាពានរង្វាន់ធំមួយប្រចាំតំបន់អាមេរិកខាងត្បូង កាលពីថ្ងៃអាទិត្យកន្លងទៅនេះ។ ការដង្ហែនេះក៏ជាការអបអរការឈ្នះពានលីគកំពូលប្រេស៊ីល Serie A របស់ពួកគេផងដែរ ក្រោយគូប្រជែង Palmeiras បានចាញ់ក្នុងដី ២-១ ទល់នឹងក្រុម Gremio។ តាមរយៈការបរាជ័យនេះ បានជួយអោយក្រុម Flamengo ឈ្នះពិន្ទុដាច់ក្រុម Palmeiras រហូតដល់ទៅ ១៣ពិន្ទុ ដូច្នេះបើទោះបីជាការប្រកួតក្នុងលីគសល់៤ប្រកួតទៀតក៏ដោយ ក៏ក្រុម Flamengo នៅតែជាជើងឯកដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការដង្ហែនេះគេសង្កេតឃើញថា មានអ្នកគាំទ្រចូលរួមយ៉ាងច្រើនកុះករដល់រាប់សិបម៉ឺននាក់ ដែលនេះជាការបង្ហាញមួយថាវិស័យកីឡាបាល់ទាត់នៅឯប្រទេសប្រេស៊ីលពិតជាមានការពេញនិយមខ្លាំងណាស់។
ក្រុម Flamengo បានប្រកួតឈ្នះក្រុម River Plate ក្នុងលទ្ធផល២ទល់នឹង១ កាលពីរាត្រីថ្ងៃសៅរ៍ឈាងចូលថ្ងៃអាទិត្យកន្លងទៅនេះ នៅកីឡដ្ឋាន Estadio Monumental ប្រទេសប៉េរូ ដែលធ្វើអោយពួកគេបានក្លាយជាម្ចាស់ជើងឯកពានរង្វាន់ Copa Libertadores ឆ្នាំ២០១៩។
យ៉ាងណាមិញនេះជាលើកទី១ហើយដែលក្រុមបាល់ទាត់របស់ប្រទេសប្រេស៊ីលនេះអាចលើកពានលីគកំពូល និងពាន Copa Libertadores ព្រមគ្នាប្រចាំរដូវកាល ហើយដែលកំណត់ត្រាមួយនេះធ្លាប់កាន់កាប់ដោយក្លិប Santos កាលពីឆ្នាំ១៩៦៣៕
សូមទស្សនាវីដេអូខាងក្រោម៖