ទើបអាយុ ១៥ឆ្នាំសោះ ស្រីស្អាត Wonyoung ជ្រុះសក់ ឃើញក្បាលទំពែកដល់ម្លឹង

កូរ៉េខាងត្បូង៖ ថ្មីៗនេះរូបភាពប៉ុន្មានសន្លឹករបស់នាង Wonyoung សមាជិកក្រុម IZ*ONE បានធ្វើឲ្យអ្នកគាំទ្រព្រួយបារម្ភខ្លាំង ក្រោយឃើញសក់ក្បាលរបស់នាងបែរជាទំពែកមិនសូវមានសក់ច្រើនដូចពីមុន។

អ្នកគាំទ្រពិតជាភ្ញាក់ផ្អើលនឹងស្ថានភាពរបស់នាង Wonyoung ជាខ្លាំង ព្រោះមិននឹកស្មានថា តារាស្រីវ័យក្មេងរូបនេះ ជួបបញ្ហាជ្រុះសក់លឿនបែបនេះទេ ហើយនាងពេលនេះ នាងទើបតែមានអាយុ ១៥ ឆ្នាំតែប៉ុណ្ណោះ។

ឃើញបែបនេះហើយ អ្នកគាំទ្របាននាំគ្នាសន្និដ្ឋានថា អាចមកពីវ័យរបស់នាងនៅក្មេងពេក ហើយលាបសក់ច្រើន ទើបជាមូលហេតុបណ្តារឲ្យសក់របស់ខ្លួនជ្រុះ ឃើញក្បាលទំពែកបែបនេះ។

ទោះជាយ៉ាងណាក្តី បើតាមប្រភពផ្សេងៗទៀតបាននិយាយថា អាចប្រហែលមកពីតារាស្រីរូបនេះមានជំងឺស្រ្តេសពេក ព្រោះថាបន្ទាប់ពីផលិតករលោក PD Ahn Joon Young និងក្រុមការងារមួយចំនួនត្រូវចាប់បានរឿងបន្លំសន្លឹកឆ្នោតក្នុងកម្មវិធី ដែលជាហេតុធ្វើឲ្យក្រុម IZ*ONE និងក្រុម X1 ស្ថិតក្នុងក្រោមការស៊ើបអង្កេត ហើយសមាជិកមួយចំនួនត្រូវសម្រាកមួយរយៈ និងការអួសបន្លាយការ Comeback ក្រុម IZ*ONE ដែលទាំងនេះក៏អាចជាផ្នែកមួយ ដាក់បន្ទុកមកលើនាង Wonyoung ផងដែរ៕

តើប្រិយមិត្តយល់យ៉ាងណាដែរ?