អង់គ្លេស៖ ក្រោយការចូលមកដឹកនាំ Spurs កាលពីថ្ងៃពុធលោក Jose Mourinho បានដឹកនាំក្លិបរហស្សនាមមាន់ខ្នាយមាសប្រកួតដំបូងកាលពីម្សិលមិញនេះ ក្នុងការប្រកួតសប្ដាហ៍ទី១៣ ក្របខណ្ឌ Premier League ដោយបានយកឈ្នះម្ចាស់ផ្ទះ West Ham ក្នុងលទ្ធផល ២ទល់នឹង៣។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវគ្គទីមួយ Spurs បាននាំមុខមុន ០-២ តាមរយៈការស៊ុតយ៉ាងល្អរបស់ខ្សែប្រយុទ្ធ Son Heung-min បន្ទាប់ពីការពញ្ញាក់ចង្កេះខ្សែការពារបានយ៉ាងល្អនៅនាទីទី៣៦ ខណៈមួយគ្រាប់ទៀតធ្វើបានសម្រេចដោយកីឡាករ Lucas Moura ក្រោយទទួលការបញ្ជូនបាល់ពី Son។
ការប្រកួតចូលដល់វគ្គទីពីរនៅនាទីទី៤៩ Spurs បានបន្តរកបាន ១គ្រាប់ទៀតដោយការតែតរបស់ប្រធានក្រុម Harry Kane។ យ៉ាងណាមិញ នៅចុងវគ្គទី២ម្ចាស់ផ្ទះ West Ham បានបើកការវាយបកមកលើ Spurs ដោយអាចរកបាន ២គ្រាប់វិញនៅនាទីទី៧៣ ដោយកីឡាករ Michail Antonio និងនៅនាទីទី៩០ ដោយកីឡាករ Angelo Ogbonna។
ក្រោយទទួលបាន ៣ពិន្ទុពីការប្រកួតនោះ Spurs បានឡើងពីលេខ១៤ មកឈរនៅលេខ៩ ក្នុងតារាងចំណាត់ថ្នាក់បណ្ដោះអាសន្ន Premier League គិតត្រឹមសប្ដាហ៍ទី១៣ ដោយមាន ១៧ពិន្ទុ៕