កប់ស៊េរី ស្ងាត់ៗ Yaya លេចមុខលើគ្រប់ទស្សនាវដ្តី​​ ជាមួយកម្លោះសង្ហា២ដួងប្រចាំក្រុម GOT7!

ថៃ៖ អាចនិយាយបានថាជារឿងកម្រមួយ ដែលតារាចម្រៀងKpop ជាមួយនឹងតារាថៃ មានឱកាសបានរួមការងារសម្តែង ក៏ដូចជាថតម៉ូតជាមួយគ្នា។

ជាក់ស្តែង ក៏ដូចជាកាលពីថ្មីៗនេះ បានធ្វើឲ្យប្រិយមិត្តគាំទ្រមានការភ្ញាក់ផ្អើលយ៉ាងខ្លាំង បន្ទាប់ពីគណនីអ៊ីនស្តារក្រាមផ្លូវការរបស់ ទស្សនាវដ្តីល្បីឈ្មោះ Vogue Thailand បានធ្វើការបង្ហោះនូវរូបថតម៉ូតក្នុងស្ទូឌីយូ រវាងតារាសម្តែងថៃស្រីល្បីឈ្មោះលំដាប់ប្រទេស Yaya Urassaya ជាមួយនឹងតារាចម្រៀងKpopប្រុសរូបសង្ហាពីររូបប្រចាំក្រុម GOT7 គឺ BamBam និង Mark ។

មិនតែប៉ុណ្ណោះ យោងតាមការបង្ហោះនោះបានឲ្យដឹងថា Yaya ជាមួយនឹង BamBam និង Mark ពួកគេទាំងបីនឹងរួមគ្នាថតម៉ូតឲ្យទស្សនាវដ្តី Vogue Thailand សម្រាប់ចុះផ្សាយដាក់ក្របមុខ នៅក្នុងខែមករា ឆ្នាំ២០២០ខាងមុខនេះ។

យ៉ាងណាមិញ ឱកាសរួមការងារថតម៉ូតដ៏កម្រមួយនេះ បានធ្វើឲ្យអ្នកគាំទ្ររបស់តារាប្រុសស្រីទាំង៣ដួងនេះ ររំភើបចិត្តជាខ្លាំង និងកំពុងតែទន្ទឹងរងចាំមើលរូបថតម៉ូតចេញជាផ្លូវការ យ៉ាងអន្ទះសារផងដែរ៕