គីមឈី និងយ៉ាអួរធម្មជាតិ ពេញនិយមណាស់។ ប៉ុន្តែភាគច្រើនមិនបានដឹងទេថា ពួកវាអាចបង្កជាអាការៈមួយចំនួនដូចជា ឈឺក្បាល ប្រកាំង និងហើមពោះ សម្រាប់មនុស្សចាស់ និងអ្នកខ្សោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាហារទាំងនេះសម្បូរទៅដោយប្រូប៊ីយូទិក (បាក់តេរីល្អ)មួយចំនួន ប៉ុន្តែវាមានផ្ទុក Histamines (សមាសធាតុគីមី) ជាសារធាតុមិនអាចរលាយបាននៅក្នុងរាងកាយ។ ករណីមនុស្សមួយចំនួន ជាក់ស្ដែងមនុស្សចាស់ ឬអ្នកមានប្រព័ន្ធស៊ាំខ្សោយ ភាគច្រើនគឺពុំមានលទ្ធភាពផលិតអង់ស៊ីម ដែលអាចទៅរំលាយសារធាតុនោះ ជាហេតុធ្វើឱ្យវាជ្រាបចូលទៅក្នុងសរសៃឈាម ហើយបង្កជាប្រតិកម្ម។
រោគសញ្ញាដែលអាចកើតមានដូចជា រមាស់ ឈឺក្បាល អស់កម្លាំង រាគរូស ក្អូតចង្អោរ ហើយនៅក្នុងករណីកម្រមួយចំនួនវាអាចបង្កឱ្យសម្ពាធឈាមចុះទាប ការគេង និងចង្វាក់បេះដូងមិនប្រក្រតី។
ករណីស្រាវជ្រាវឃើញពីលទ្ធផលខាងលើបានដឹកនាំដោយលោកស្រី Mohammed ជាសាស្រ្តាចារ្យ ផ្នែកវេជ្ជសាស្រ្តអតិសុខុមជីវសាស្រ្តនៅសាកលវិទ្យាល័យ Westminster នៃចក្រភពអង់គ្លេស។ ក្រុមការងារស្រាវជ្រាវរបស់លោកស្រីបានសិក្សាពិនិត្យទៅលើករណីជាច្រើនដែលបានកើតឡើងលើមនុស្សចាស់ និងអ្នកដែលមានប្រព័ន្ធភាពស៊ាំខ្សោយ ដោយឃើញថាពួកគេងាយនឹងទទួលបាក់តេរីបង្កនេះណាស់ ប្រសិនបើពួកគេបរិភោគអាហារផ្អាប់ឱ្យជូរទាំងនេះ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet