រុស្ស៊ី៖ ការប្រកួតជុំទី៩ ក្នុងវគ្គជម្រុះសន្សំពិន្ទុពូល I ពានរង្វាន់ EURO 2020 កាលពីយប់មិញ ក្រុមភ្ញៀវប៊ែលហ្សិកបានយកឈ្នះម្ចាស់ផ្ទះរុស្ស៊ី ដោយលទ្ធផល ១ទល់នឹង៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៊ែលហ្សិកជាអ្នកនាំមុខមុនលទ្ធផល ៣-០ ក្នុងវគ្គទីមួយដោយគ្រាប់បាល់របស់កីឡាករ Thorgan Hazard នៅនាទីទី១៩ និង២គ្រាប់ទៀតធ្វើបានសម្រេចដោយខ្សែប្រយុទ្ធរបស់ Real Madrid កីឡាករ Eden Hazard នៅនាទីទី៣៣ និង៤០។
ការប្រកួតអូសបន្លាយឈានដល់វគ្គទីពីរនៅនាទី៧២ ប៊ែលហ្សិកបានបន្តរកបាន១គ្រាប់ទៀតដោយការស៊ុតជើងឆ្វេងយ៉ាងល្អពីសំណាក់ខ្សែប្រយុទ្ធមាឌធំ Romelu Lukaku បន្ទាប់ពីការបញ្ជូនបាល់របស់ Kevin De Bruyne។ ខណៈមួយគ្រាប់របស់ម្ចាស់ផ្ទះរុស្ស៊ីរកបានដោយកីឡាករ Georgiy Dzhikiya នៅនាទីទី៧៩។
ក្រោយយកឈ្នះរុស្ស៊ីកាលពីយប់មិញ ប៊ែលហ្សិកបានបន្តឈរនៅកំពូលតារាងក្នុងពូល I ដោយ៩ប្រកួត ឈ្នះទាំង៩ប្រកួត មាន៣២ពិន្ទុនិងបានកក់កៅតអីទៅលេងជុំផ្ដាច់ព្រ័ត្រជាស្រេច៕
សូមទស្សនាវីដេអូ Highlight ការប្រកួតរវាងរុស្ស៊ី និងប៊ែលហ្សិកនៅខាងក្រោម៖