សម្រាប់ស្ត្រីដែលមករដូវមិនមែនជាពេលគួរតមអាហារ ក៏ដូចជាចំណីចំណុកផ្សេងៗឡើយ ព្រោះអាចធ្វើឲ្យប៉ះពាល់ដល់រាងកាយទៅវិញ។ នេះបើតាមការលើកឡើងរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រីបានបន្តទៀតថា ពេលមករដូវធ្វើឲ្យបាត់បង់ឈាម ដូចនេះបើមិនញ៉ាំអាហារ ពិសេសសាច់ក្រហមឲ្យបានច្រ់ើនជំនួសឲ្យការបាត់បង់ឈាម ហើយការកកើតឈាមឡើងវិញតិចតួច នាំឲ្យស្ត្រីមានភាពស្លេកស្លាំង ខ្សោយ ដូចនេះហើយប្រសិនបើយើងតមញ៉ាំ ពិតជាធ្វើឲ្យគ្មានកម្លាំងកំហែងគ្រប់គ្រាន់អាចឈានទៅដល់ការស្គមរីងរៃ។ មួយវិញទៀតវេជ្ជបណ្ឌិតរូបនោះ បានបញ្ជាក់ថា ជាទង្វើមិនត្រឹមត្រូវទាំងនោះ អាចធ្វើឲ្យប៉ះពាល់ដល់សុខភាពថែមទៀតផង។
មិនត្រឹមតែមិនគួរតមអាហារនោះទេ ស្ត្រីមករដូវត្រូវញ៉ាំអាហារឲ្យបានច្រើនពិសេសពពួកអាហារមានជាតិដែក សាច់ និងវីតាមីន ដើម្បីយកទៅបង្គ្រប់អ្វីដែលបាត់បង់រយៈពេល ១ សប្ដាហ៍មកនោះ។ បន្ថែមពីចំណីអាហារ នំប៉័ងដែលផលិតពីស្រូវសាលី អង្ករសម្រូប គឺសុទ្ធតែមានអត្ថប្រយោជន៍ចំពោះរាងកាយយើងដូចគ្នា។
លោកស្រីវេជ្ជបណ្ឌិត ពឹង ជុតិមា បានបន្តទៀតថា មនុស្សស្រីពេលមករដូវត្រូវការជាតិដែក ៩ មិល្លីក្រាម/ថ្ងៃ ដើម្បីបំពេញគ្រាប់ឈាមឡើងវិញ ខណៈដែលស្ត្រីមានផ្ទៃពោះ ត្រូវការជាតិដែកខ្ពស់ប្រហែល ២០ មិល្លីក្រាម/ថ្ងៃ ឯណោះ ដើម្បីបង្កើនគ្រាប់ឈាម និងសម្រាប់ជំនួយសុខភាពខ្លួនឯង ព្រមទាំងកូនក្នុងផ្ទៃ។
អាហារដែលវេជ្ជបណ្ឌិតរូបនោះណែនាំឲ្យស្ត្រីមករដូវញ៉ាំ មានពពួកសាច់ក្រហម ជាពិសេសសាច់គោ សាច់ជ្រូក មាន់ ពពួកសណ្ដែក គ្រាប់ធញ្ញជាតិ សូកូឡាខ្មៅ ថ្លើមសាច់ និងបន្លែបៃតងចាស់។ ចំណែកផ្លែឈើ មានដូចជា ល្ពៅ ប្រូខូលី ប៉េងប៉ោះ ការ៉ុត ហើយបន្លែសម្បូរជាតិដែកវិញ មាន ខ្នុរ ទទឹម ស្វាយ ចេកល្ហុង និងត្រូវផឹកទឹកឲ្យបានច្រើនជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet