អាមេរិក៖ គ្រូបង្វឹកក្រុម LA Galaxy លោក Guillermo Barros Schelotto បាននិយាយថាកីឡាករ Zlatan Ibrahimovic ចង់បញ្ចប់អាជីពជាកីឡាករបាល់ទាត់នៅលីគអ៊ីតាលី Serie A។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Ibrahimovic បានបង្ហោះនៅលើគណនី Twitter របស់ខ្លូនកាលពីថ្ងៃពុធ អំពីការសម្រេចចិត្តចាកចេញពីក្រុម LA Galaxy ដោយលោកបានអរគុណទៅដល់អ្នកគាំទ្ររបស់ក្លិប LA Galaxy ទាំងអស់ដែលហាក់ធ្វើអោយលោកមានអារម្មណ៍ដូចរស់ឡើងវិញ។
យោងតាមកាសែត Dailymail បានអោយដឹងថាកីឡាករសញ្ជាតិស៊ុយអែតរូបនេះ មានទំនាក់ទំនងខ្លាំងក្នុងការផ្ទេរទៅកាន់ក្លិប AC Milan នាខែមករាខាងមុខ។
នៅពេលត្រូវបានសួរពីអនាគតរបស់ Ibrahimovic គ្រូបង្វឹកក្រុម LA Galaxy លោក Schelotto បាននិយាយក្នុងវិទ្យុ Kiss Kiss ថា៖
"គាត់គឺជាកីឡាករដ៏អស្ចារ្យម្នាក់ បន្តែខ្ញុំមិនដឹងថាជំហានបន្ទាប់ វាយ៉ាងណានោះទេ ប៉ុន្តែប្រហែលជាគាត់នឹងបញ្ចប់បញ្ចប់អាជីពនៅ Serie A។"
កីឡាករ Ibrahimovic ធ្លាប់ចំណាយពីររដូវកាលជាមួយនឹងក្លិប AC Milan ដោយជួយអោយក្លិបដែលមានមូលដ្ឋាននៅទីក្រុង Milan មួយនេះ ឈ្នះពាន Serie A ១ដង និង ពាន Italian Super Cup ១ដង។
គួរបញ្ជាក់ផងដែរថាកីឡាករ Zlatan Ibrahimovic បានចាកចេញពីក្លិប Manchester United មកចូលរួមជាមួយនឹង ក្លិប LA Galaxy កាលពីឆ្នាំ២០១៨ ដោយបង្ហាញខ្លួនបានចំនួន៥៨ប្រកួត ស៊ុតបញ្ចូលទីបាន៥៣គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបានចំនួន១៥ដង៕
ប្រភព៖ Beinsports
Bong I.T