ព័រទុយហ្កាល់៖ ក្រុមជម្រើសជាតិព័រទុយហ្កាល់ក្នុងនាមជាម្ចាស់ផ្ទះ បានបើកទ្វារកីឡដ្ឋានទទួលស្វាគមន៍ក្រុមភ្ញៀវលីទុយអានី ក្នុងព្រឹត្តការណ៍ជម្រុះយូរ៉ូឆ្នាំ២០២០ ប្រចាំពូល B កាលពីរាត្រីថ្ងៃព្រហស្បតិ៍កន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនេះក្រុមម្ចាស់ផ្ទះសម្រុកដាក់សម្ពាធខ្លាំងទៅលើក្រុមភ្ញៀវ ដោយមានឱកាសស៊ុតរហូតដល់ទៅ២៥ជើង ចំគោលដៅ១៤ដង សម្រេចទីបាន៦គ្រាប់ ខណៈពេលដែលក្រុមភ្ញៀវមានឱកាសស៊ុតបានតែ១ជើងប៉ុណ្ណោះ។
៦គ្រាប់របស់ក្រុមម្ចាស់ផ្ទះរកបានដោយកីឡាករ៤រូបផ្សេងគ្នា ដោយគ្រាប់ទី១និងទី២ ស៊ុតបញ្ចូលទីដោយខ្សែប្រយុទ្ធវ័យ៣៤ឆ្នាំកីឡាករ Cristiano Ronaldo ហើយគ្រាប់ទី៣ធ្វើបានដោយកីឡាករ Pizzi ចំណែកឯគ្រាប់ទី៤សម្រេចទីដោយកីឡាករ Goncalo Paciencia រីឯគ្រាប់ទី៥ ទម្លុះសំណាញ់ទីដោយកីឡាករ Bernardo Silva និងគ្រាប់ទី៦ បញ្ចប់ទីដោយកីឡាករ Cristiano Ronaldo ដដែល។
ដូច្នេះចប់៩០នាទីក្រុមម្ចាស់ផ្ទះលត់ក្រុមភ្ញៀវយ៉ាងចាស់ដៃក្នុងលទ្ធផល៦ទល់នឹង០។ យ៉ាងណាមិញស៊ុត Hat-trick កាលពីយប់មិញ បានធ្វើអោយកីឡាករ Cristiano Ronaldo សម្រេចគ្រាប់ទី៩៨របស់ខ្លួនសម្រាប់ក្រុមជម្រើសជាតិ។
បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖