ភ្នំពេញ៖ ក្រុមបាល់ទាត់ជម្រើសជាតិគោព្រៃកម្ពុជា បានប្រកួតស្មើគ្នាជាមួយក្រុមជម្រើសជាតិម៉ុងហ្គោលី ដោយលទ្ធផល ១ទល់នឹង១ ក្នុងការប្រកួតមិត្តភាពអន្តរជាតិកម្ដៅសាច់ដុំ នាពហុកីឡដ្ឋានជាតិកាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមភ្ញៀវម៉ុងហ្គោលី ជាអ្នកបើកការនាំមុខមុននៅក្នុងការប្រកួតតាមរយៈគ្រាប់បាល់របស់កីឡាករ Narmandakh Artag នៅនាទី២១។ ២២នាទីក្រោយមក កម្ពុជា បានវាយបកតាមស្មើវិញដោយការស៊ុតបាល់ពិន័យ ១១ម៉ែត្ររបស់ខ្សែប្រយុទ្ធមកពីក្លិបវិសាខា កែវ សុខផេង បន្ទាប់ពីកីឡាករប្រធានក្រុមរបស់ម៉ុងហ្គោលី បង្កកំហុសមកលើ ស៊ិន កក្កដា នៅក្នុងតំបន់គ្រោះថ្នាក់។
លទ្ធផលបញ្ចប់វគ្គទីពីរក្រុមទាំងពីរស្មើគ្នា ១ទល់នឹង១ និងបន្តលទ្ធផលនេះរហូតបញ្ចប់ការប្រកួត ៩០នាទី បើទោះបីជាមានការសម្រុកគ្នាខ្លាំងនៅវគ្គទីពីរក៏មិនអាចទម្លុះសំណាញ់ទីគ្នាបានដែរ។
ក្រោយចប់ការប្រកួតនេះលោក Keisuke Honda ដែលជាអ្នកចាត់ការទូទៅនឹងដឹកនាំក្រុមជម្រើសជាតិកម្ពុជាហោះទៅហុងកុង ដើម្បីប្រកួតវគ្គជម្រុះបឋមជុំទីពីរព្រឹត្តិការណ៍ FIFA World Cup Qatar 2020 ដោយត្រូវប៉ះជាមួយម្ចាស់ផ្ទះហុងកុង ដែលការប្រកួតនឹងធ្វើឡើងនៅថ្ងៃទី១៩ ខែវិច្ឆិកា ឆ្នាំ២០១៩ វេលាម៉ោង ៦:០០នាទីល្ងាច ម៉ោងនៅក្នុងប្រទេសកម្ពុជា៕
សូមទស្សនាវីដេអូ Highlight រវាងកម្ពុជា និងម៉ុងហ្គោលី នៅខាងក្រោម៖