អេស្ប៉ាញ៖ ក្លិបអ្នកមានបុណ្យ FC Barcelona ត្រូវបានគេរាយការណ៍ថាបានដាក់ការចាប់អារម្មណ៍ទៅលើខ្សែប្រយុទ្ធស្លាបវ័យក្មេងរបស់ក្លិប Dinamo Zagreb កីឡាករ Dani Olmo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Olmo ជាអតីតយុវជនអាយុក្រោម១៨ឆ្នាំរបស់ក្រុម Barcelona ដោយកាលពីពេលថ្មីៗនេះ រូបគេក៏ត្រូវបានកោះហៅអោយចូលរួមជាមួយនឹងក្រុមជម្រើសជាតិអេស្ប៉ាញជាលើកដំបូងផងដែរ ក្រោយបង្ហាញទម្រង់បានល្អជាមួយនឹងក្លិបនៅលីគកំពូលក្រូអាតមួយនេះ ដែលធ្វើអោយទាក់ចិត្តគ្រូបង្វឹកជម្រើសជាតិអេស្ប៉ាញលោក Roberto Moreno។
ក្នុងរដូវកាលថ្មីនេះ កីឡាករ Omlo បានបង្ហាញទម្រង់យ៉ាងលេចធ្លោ ដោយក្នុងចំណោម១៥ប្រកួត រូបគេស៊ុតបញ្ចូលទីបានចំនួន៦គ្រាប់ និងបញ្ជូនបាល់អោយមិត្តរួមក្រុមសម្រេចទីបានចំនួន៦ដង។
យោងតាមកាសែត Don Balon បានអោយដឹងថាក្លិប Barcelona បានត្រៀមកញ្ចប់ទឹកប្រាក់ប្រមាណ៣០លានអឺរ៉ូ (ឬប្រហែល៣៣លានដុល្លារអាមេរិក) ក្នុងការដេញថ្លៃយកខ្សែបម្រើស្លាបសញ្ជាតិអេស្ប៉ាញរូបនេះត្រលប់ទៅកាន់ទឹកដី Camp Nou វិញ។
គួរបញ្ជក់ផងដែថាបានចាកចេញពីក្រុម Barcelona អាយុក្រោម១៨ឆ្នាំ ដោយគ្មានតម្លៃខ្លួនមកចូលរួមជាមួយនឹងក្រុម Dinamo Zagreb កាលពីឆ្នាំ២០១៥ ដោយបង្ហាញខ្លួនបានចំនួន១១៩ប្រកួត ស៊ុតបញ្ចូលទីបាន៣២គ្រាប់ និងបញ្ជូនបាល់អោយមិត្តរួមក្រុមទម្លុះសំណាញ់ទីបានចំនួន២៧ដង៕
ប្រភព៖ caughtoffside