តើលោកអ្នកធ្លាប់មានអារម្មណ៍ថាដៃគូស្នេហារបស់លោកអ្នកប្រចណ្ឌខ្លាំងរហូតធ្វើឲ្យអ្នកធុញទ្រាន់ដែរឬទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអារម្មណ៍ប្រចណ្ឌច្រើន អាចនឹងបង្កឲ្យមានភាពរកាំរកូសក្នុងទំនាក់ទំនងស្នេហា ប៉ុន្តែ បញ្ហានេះអាចដោះស្រាយបាន ប្រសិនបើភាគីទាំងសងខាងតាំងចិត្តដោះស្រាយវាតាមវិធីសាស្រ្តខាងក្រោមនេះ។
កសាងទំនុកចិត្តដៃគូស្នេហា
សេចក្តីប្រចណ្ឌ និងកង្វះទំនុកចិត្ត តែងតែមានទំនាក់ទំនងនឹងគ្នាមិនអាចប្រកែកបាន។ នៅពេលដៃគូស្នេហារបស់លោកអ្នកយល់ថា ទំនាក់ទំនងស្នេហាកាន់តែរឹងមាំ នោះពួកគេកាន់តែមានទំនុកចិត្តថា ទំនាក់ទំនងស្នេហារបស់គេមានលក្ខណៈពេញលេញ ហើយសេចក្ដីប្រចណ្ឌកាន់តែថយចុះទៅវិញ។ ចូរព្យាយាមបង្កើនទំនុកចិត្តដៃគូស្នេហាតាមរយៈការបង្ហាញក្ដីស្រឡាញ់ បំពេញបំណងប្រថ្នា និងពិភាក្សារឿងរ៉ាវអនាគតរួមគ្នា។
ត្រួតពិនិត្យអកប្បកិរិយាខ្លួនឯង
ចូរពិចារណាឲ្យច្បាស់លាស់ឡើងវិញថា ទង្វើរបស់លោកអ្នកមិនបានបញ្ឆេះឲ្យដៃគូលោកអ្នកកាន់តែមានសេចក្ដីប្រចណ្ឌនោះឡើយ។ ប្រសិនជាអាច រៀបចំខ្លួនឡើងវិញ ហើយកុំធ្វើ់ការសន្យានូវអ្វីដែលលោកអ្នកមិនអាចធ្វើបាន។ កុំទាមទារច្រើនហួសហេតុដោយគ្មានហេតុផល ដែលអាចបង្កទៅជារឿងជូរចត់ និងអារម្មណ៍សោះកក្រោះនឹងគ្នា។
ទទួលខុសត្រូវរួមចំពោះបញ្ហា
នៅពេលដែលមានអារម្មណ៍ប្រចណ្ឌកើតឡើងនៅក្នុងទំនាក់ទំនងស្នេហាហើយ វាបង្កឡើងជាបញ្ហាសម្រាប់ដៃគូស្នេហាទាំងសងខាង។ យើងមិនអាចដាក់បន្ទុកទាំងស្រុងទៅលើភាគីខាងណាតែម្នាក់បាននោះឡើយ។ មិនថាបញ្ហានេះកើតឡើងដោយសារការប្រចណ្ឌរបស់ភាគីខាងណាក៏ដោយ ដៃគូស្នេហាទាំងពីរនាក់ ត្រូវតែប្តេជ្ញាចិត្តទទួលយកទំនួលខុសត្រូវរួមគ្នា ហើយដោះស្រាយបញ្ហានោះទាំងពីរនាក់។
ទទួលស្គាល់ចំណុចវិជ្ជមាននៃការប្រចណ្ឌ
ក្រៅពីមានអារម្មណ៍ខឹងសម្បារនឹងដៃគូរបស់លោកអ្នកនៅពេលពួកគេប្រចណ្ឌ ចូរចងចាំថា ការប្រចណ្ឌកើតឡើងដោយសារតែពួកគេឲ្យតម្លៃទៅលើទំនាក់ទំនងស្នេហារបស់លោកអ្នកយ៉ាងក្លៀវក្លា។ ប្រសិនបើដៃគូស្នេហាលោកអ្នកមិនប្រចណ្ឌទេ នោះមានន័យថា ពួកគេមិនទៅខ្វាយខ្វល់អំពីអ្នកនោះឡើយ៕
Bong I.T