អង់គ្លេស៖ ខ្សែបម្រើស្លាបវ័យ១៩ឆ្នាំរបស់ក្លិប Manchester United កីឡាករ Tahith Chong ត្រូវបានគេរាយការណ៍ថាបានបដិសេធក្នុងការចុះកុងត្រាថ្មីជាមួយក្លិប ខណៈពេលដែលរូបគេកំពុងត្រូវបានក្លិប Juventus ចាប់អារម្មណ៍ចង់បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិហូឡង់រូបនេះ អាចនឹងដើរផ្លូវចាស់របស់កីឡាករ Paul Pogba ដែលចាកចេញពី Man United ដោយគ្មានតម្លៃខ្លួនទៅចូលរួមជាមួយ Juventus កាលពីឆ្នាំ២០១២។
កុងត្រារបស់ Tahith Chong នឹងផុតកំណត់ជាមួយនឹងក្លិប Man United នាបញ្ចប់រដូវកាលនេះ មានន័យថារូបគេអាចនឹងចាកចេញពីទឹកដី Old Trafford ដោយគ្មានតម្លៃខ្លួន។
យោងតាមកាសែត Calciomercato បានអោយដឹងថាខ្សែបម្រើស្លាបរូបនេះ បានប្រាប់ក្លិប Manchester United ថារូបគេនឹងមិនបន្តកុងត្រាថ្មីនោះទេ ដោយគាត់ចង់ស្វែងរកការប្រកួតប្រជែងថ្មីនៅក្លិបផ្សេង។
គួររម្លឹកផងដែរថាកីឡាករ Tahith Chong បង្ហាញខ្លួនបានចំនួន ៤ប្រកួតប៉ុណ្ណោះ ក្នុងរដូវកាលថ្មីនេះ ពោលក្នុងក្របខណ្ឌ Premier League ២ដង ព្រឹត្តិការណ៍ Europa League ១ដង និង ព្រឹត្តិការណ៍ EFL Cup ១ដង។
ប្រភព៖ Dailymail