មិនប្លែកមិនបាច់ហៅ ទេព បូព្រឹក្ស! បុណ្យអុំទូកឆ្នាំនេះ បូព្រឹក្ស លេងស្ទាយ៍ឡើងឆាក ប្លែកភ្នែកកប់តែម្តង

ភ្នំពេញ៖ ដូចដែលប្រិយមិត្តដែលជាអ្នកគាំទ្ររបស់តារាស្រីកញ្ញា ទេព បូព្រឹក្ស បានជ្រាបរួចមកហើយថា ស្ទើរតែគ្រប់ឆាកតន្ត្រីឲ្យតែមានការសម្តែងរបស់តារាស្រីរូបនេះ នាងតែងតែមានស្ទីលនៃការស្លៀកពាក់ប្លែកៗ ពិសេសៗ មិនដែលឲ្យអ្នកគាំទ្ររបស់ខ្លួនខកបំណងនោះទេ។

ជាក់ស្តែង កាលពីពិធីបុណ្យអ៊ុំទូកដែលកន្លងទៅកាលពីម្សិលមិញនេះដែរ កញ្ញា ទេព បូព្រឹក្ស មានស្ទីលតុបតែងខ្លួនថ្មីមួយបែបទៀតហើយ ដែលធ្វើឲ្យអ្ន​កគាំទ្រភ្ញាក់ផ្អើលមិនតិចនោះទេ។

ក្នុងនោះដែរ សម្រាប់ឈុតទីមួយនៃពិធីបុណ្យអុំទូក កញ្ញា ទេព បួព្រឹក្ស បានលេងជាមួយឈុតដែលស្រោបទៅដោយត្បូង ហើយជាពិសេសនោះ កញ្ញា ទេព បូព្រឹក្ស បានបញ្ជាក់ថានាងបានយកត្បូងមកឌិនលើសក់ថែមទៀតផង។ ម៉្យាងវិញទៀត សម្រាប់ថ្ងៃទី២ កាន់តែប្លែកទៅទៀត ដោយកញ្ញា ទេព បូព្រឹក្ស បានតុបតែងខ្លួនដោយឈុតសុទ្ធតែផ្កាឈូក ដែលតំណាងឲ្យប្រទីប សម្រាប់ថ្ងៃទី២ដែលជាថ្ងៃបណ្តែតប្រទីបផងដែរ។

ទោះជាយ៉ាងណាក្តី សម្រាប់ពីរឈុតរបស់តារាចម្រៀងវ័យក្មេងរូបនេះ ពិតជាទាក់ភ្នែករបស់អ្នកគាំទ្រយ៉ាងខ្លាំង។​មិនត្រឹមតែប៉ុណ្ណោះ បូព្រឹក្ស ថែមទាំងទទួលការសរសើរពីសំណាក់អ្នកគាំទ្រ ថារូបនាងពិតជាមានគំនិតច្នៃប្រឌិតខ្លាំងមែនទែន៕

តើប្រិយមិត្តយល់យ៉ាងណាដែរ?