ផ្លូវការហើយ! ភេសជ្ជៈប៉ូវកម្លាំង វើក WURKZ បានប្រកាសកិច្ចសហការជាដៃគូ ជាមួយក្រុមបាល់ទាត់ Manchester City ក្នុងគោលបំណងរួមតែមួយ!

ភ្នំពេញ៖ នៅរសៀលថ្ងៃទី៨ ខែវិច្ឆិកា ឆ្នាំ២០១៩ នេះ ក្រុមហ៊ុនផលិតភេសជ្ជៈប៉ូវកម្លាំង វើក WURKZ និងក្រុមបាល់ទាត់ Manchester City បានប្រកាសរួមគ្នាជាផ្លូវការនូវកិច្ចសហការជាដៃគូពាណិជ្ជកម្មក្នុងគោលបំណងរួមគ្នាតែមួយ នៅក្នុងសន្និសីទសារព័ត៌មាន ដែលធ្វើឡើងនៅផ្សារទំនើប NOROMALL។

លោក លាង ពៅ (ភីតធើរ) អគ្គនាយកក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនផលិតភេសជ្ជៈប៉ូវកម្លាំងវើក WURKZ បានថ្លែងក្នុងពិធីយ៉ាងដូច្នេះថា៖

លោកបន្តទៀតថា កិច្ចសហការនេះធ្វើឡើងក្នុងគោលបំណងដ៏មានសារៈប្រយោជន៍រួមមួយក្នុងការលើកកម្ពស់វិស័យបាល់ទាត់នៅកម្ពុជា ជាពិសេសសម្រាប់កុមារក្រោមអាយុ ១៦ ឆ្នាំ នៅតាមសហគមន៍តែម្តង គឺតាមរយៈវគ្គបង្ហាត់បង្ហាញខ្លីផ្ទាល់ពីគ្រូបង្វឹកផ្ទាល់ក្រុម Manchester City នៅពេលខាងមុខនេះ។

លោកបន្ថែមទៀតថា យើងក៏កំពុងតែពិចារណាទៅលើរង្វាន់បន្ថែមសម្រាប់អ្នកនិយមពិសា ភេសជ្ជៈប៉ូវកម្លាំង វើក ផងដែរ គឺឱកាសឈ្នះបានរង្វាន់ទៅទស្សនកិច្ចចក្រភពអង់គ្លេស និង ទស្សនាផ្ទាល់ការប្រកួតបាល់ទាត់របស់ក្រុម Manchester City ក្នុងពានរង្វាន់ English Premiere League ប្រចាំឆ្នាំ។  

លោកក៏បានណែនាំឱ្យស្គាល់ផងដែរ នូវទូតសុឆន្ទៈទាំង៤នាក់ ដំបូងគេបង្អស់របស់ភេសជ្ជៈប៉ូវកម្លាំង វើក ផងដែរ គឺកីឡាករខ្សែរប្រយុទ្ធក្រុម Manchester City លោក Gabriel Jesus លោក Raheem Sterling និងកីឡាករខ្សែរបំរើប្រយុទ្ធលោក Riyad Mahrez រួមជាមួយនឹងកីឡាជម្រើសជាតិបាល់ទាត់កម្ពុជាមួយរូបគឺលោក ធារី ចន្ថាប៊ីន។

ចំណែកឯអ្នកតំណាងពីក្រុមបាល់ទាត់ Manchester City គឺលោក Stephan Cieplik អគ្គនាយករង និងជានាយកគ្របគ្រងកិច្ចសហប្រត្តិបត្តការបាល់ទាត់ប្រចាំអាស៊ីប៉ាស៊ីហ្វិកក៏បានមានប្រសាសន៍ថា៖

លោកបន្តទៀតថា៖