សិង្ហបុរី៖ កាលពីថ្ងៃទី៣១ ខែតុលា ឆ្នាំ២០១៩កន្លងទៅនេះ លោកតាម្នាក់នៅឯទីប្រជុំជន Yishun ក្នុងប្រទេសសិង្ហបុរី ត្រូវបានគេតាមទាន់យកប្រាក់ទៅទិញឆ្នោត ក្រោយពីធ្វើពុតសុំទានដើម្បីយកប្រាក់ទៅព្យាបាលជំងឺ។

ប្រភពបានឲ្យដឹងថា នៅក្នុងថ្ងៃនោះ បុរសឈ្មោះថា Deng បានប្រទះឃើញ លោកតាម្នាក់ (មិនស្គាល់អត្តសញ្ញាណ) ដែលស្ថិតក្នុងវ័យប្រហែល៨០ឆ្នាំកំពុងឈរនៅក្បែរច្រកទ្វារចេញចូលផ្សារទំនើប Northpoint City។ លោកតាបានប្រាប់ទៅកាន់អ្នកដំណើរដែលឆ្លងកាត់ថា រូបគាត់ផ្ទាល់គ្មានផ្ទះសម្បែង គ្មានអ្នកមើលថែទាំ គ្មានប្រាក់សម្រាប់ព្យាបាលជំងឺ និងទិញអាហារនោះទេ។

លោក Deng បាននិយាយថា៖

ប្រភពបានបន្ដថា នៅពេលដែលមានស្ត្រីម្នាក់ស្ម័គ្រចិត្តជួយជូនលោកតាទៅមន្ទីរពេទ្យ លោកតាបានជំទាស់មិនព្រម ហើយបែរជាសុំប្រាក់ជំនួសទៅវិញ។ ​រយៈពេល១០នាទីក្រោយមក លោកតាបានទទួលប្រាក់ពីអ្នកដំណើរចំនួន៨នាក់ ក្នុងចំនួនទឹកប្រាក់ចាប់ពី២ដុល្លារអាមេរិក ទៅ៥ដុល្លារអាមេរិកក្នុងម្នាក់ៗ។ ដោយមិនដឹងថា លោក Deng កំពុងចាំឃ្លាំមើល លោកតាបានបញ្ឈប់សកម្មភាពចាស់ជរារបស់ខ្លួន រួចដើរសំដៅទៅកាន់ចំណតឡានក្រុងដែលនៅក្បែរនោះ។ លុះពេលទៅដល់កន្លែងលក់ឆ្នោតផ្សងសំណាង លោកតាបានដកប្រាក់ដែលបានមកពីការសុំ យកទៅទិញឆ្នោត។ ឃើញដូច្នេះ លោក Deng បានទូរស័ព្ទរាយការណ៍ទៅកាន់ប៉ូលិសភ្លាមៗ។

ប្រភពបានឲ្យដឹងទៀតថា ប៉ូលិសបានចុះទៅដល់ទីតាំងផ្ទះរបស់លោកតាផ្ទាល់ និងធ្វើការសាកសួរ ប៉ុន្ដែលោកតាបានបដិសេធ។

យ៉ាងណាមិញ ប៉ូលិសក៏បានព្រមានលោកតា ដើម្បីបញ្ឈប់សកម្មភាពឆបោកគេ.តទៅទៀត។ ចំពោះច្បាប់ប្រទេសសិង្ហបុរី សម្រាប់បុគ្គលណាដែលសុំទានបង្កការរំខានជាសាធារណៈច្រើនដងអាចនឹងត្រូវពិន័យជាប្រាក់រហូតដល់ ៣០០០ដុល្លារ  ឬជាប់គុករហូតដល់២ឆ្នាំ៕

តើប្រិយមិត្តអ្នកអានយល់ឃើញយ៉ាងណាដែរ?

សូមទស្សនារូបភាពខាងក្រោម៖

លោកតាកំពុងឈរសុំប្រាក់
លោកតាកំពុងទិញឆ្នោត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]