អាល្លឺម៉ង់៖ បើតាមសេចក្ដីរាយការណ៍បានឲ្យដឹងថាក្លិប Bayern Munich បានបដិសេធក្នុងការណាត់ជួបជាមួយលោក Arsene Wenger ដើម្បីពិភាក្សាជុំវិញបញ្ហាដំណែងគ្រូបង្វឹកនៅក្លិបអាល្លឺម៉ង់មួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBayern Munich កំពុងតែសម្លឹងមើលរកគ្រូបង្វឹកថ្មីបន្ទាប់ពីបានបណ្ដេញលោក Niko Kovac ចេញពីដំណែងក្រោយប្រកួតចាញ់ Eintracht Frankfurt ក្នុងលទ្ធផល ៥ទល់នឹង១។
អ្នកចាត់ការទូទៅដែលដឹកនាំ Arsenal អស់រយៈពេល ២២ឆ្នាំចន្លោះឆ្នាំ១៩៩៦ ដល់ឆ្នាំ២០១៨ មិនទាន់បានដឹកនាំក្លិបណាមួយនៅឡើយទេ ក្រោយចាកចេញពីកីឡដ្ឋាន Emirate របស់កាំភ្លើងធំ។
សារព័ត៌មានអាល្លឺម៉ង់ Bild បានចុះផ្សាយថាអ្នកចាត់ការទូទៅសញ្ជាតិបារាំង Wenger បានហៅទូរស័ព្ទទៅកាន់ប្រធានក្លិប Bayern Munich លោក Kart-Heinz Rummenigge កាលពីរសៀលថ្ងៃពុធដើម្បីពិភាក្សាក្នុងការទៅដឹកនាំក្លិបមួយនេះ ប៉ុន្តែត្រូវខាងក្លិបបដិសេធចំពោះបំណងមួយនេះ។
ប្រភពដដែលបានបន្តឲ្យដឹងទៀតថា គ្រូបង្វឹកបណ្ដោះអាសន្នលោក Hansi Flick ទំនងជាអាចនឹងដឹកនាំ Bayern Munich រហូតដល់ចប់រដូវកាល ២០១៩-២០២០ តែម្ដង។
ជាមួយគ្នានេះផងដែរលោក Jose Mourinho លោក Erik ten Hag និងលោក Ralf Rangnick សុទ្ធសឹងតែជាបេក្ខភាពដែលអាចចូលខ្លួនមកដឹកនាំ Bayern Munich៕
ប្រភព៖ SportsMole