ឥណ្ឌូនេស៊ី៖ ថ្មីៗនេះ ស្ត្រីម្នាក់រស់នៅឯទីក្រុង Palembang ប្រទេសឥណ្ឌូនេស៊ី បានយកកូនទៅដាក់ចោលក្នុងម៉ាស៊ីនបោកខោអាវ បណ្ដាលឲ្យស្លាប់ ព្រោះតែខ្មាសអៀនមានកូនមុនរៀបការ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ស្ត្រីរូបនោះ (មិនបញ្ចេញអត្តសញ្ញាណ) អាយុ៣៦ឆ្នាំ មានផ្ទៃពោះមុនពេលរៀបការ ដែលប៉ះពាល់ទៅដល់ប្រពៃណីក្នុងប្រទេសឥណ្ឌូនេស៊ីយ៉ាងខ្លាំង។ មិត្តប្រុសរបស់នាងបានផ្ដាច់ទំនាក់ទំនងជាមួយ បន្ទាប់ពីដឹងថានាងកំពុងមានផ្ទៃពោះ។ នាងបានសម្រាលកូនកាលពីថ្ងៃទី៤ ខែវិឆ្ឆិកា ឆ្នាំ២០១៩កន្លងទៅនេះ ហើយថ្មីៗនេះ នាងបានយកក្រណាត់ទៅរុំកូន រួចដាក់ចូលទៅក្នុងម៉ាស៊ីនបោកខោអាវចំនួន២ ទៅ៣ម៉ោង។
ស្ត្រីរូបនោះបាននិយាយនៅក្នុងសន្និសីទសារព័ត៌មានថា៖
ប្រភពបានបន្ដថា ទារកត្រូវបានអ្នកធ្វើការជាមួយស្ត្រីជាម្ដាយ ប្រទះឃើញនៅក្នុងម៉ាស៊ីនបោកខោអាវ បន្ទាប់ពីឮសូរសំឡេងក្មេងស្រែកយំ។ ក្រោយមក ទារកត្រូវបានបញ្ជូនទៅកាន់មន្ទីរពេទ្យ ប៉ុន្ដែជាអកុសលបានស្លាប់បាត់ហើយ។
យ៉ាងមិញ សមត្ថកិច្ច និងវេជ្ជបណ្ឌិតកំពុងធ្វើកោសល្យវិច័យលើសាកសពទារកដើម្បីរកមូលហេតុនៃការស្លាប់។ ចំណែកស្ត្រីជាម្ដាយ ត្រូវបានចោទប្រកាន់ពីបទរំលោភបំពានយ៉ាងខ្លាំងនៅក្រោមច្បាប់ការពារកុមាររបស់ប្រទេសឥណ្ឌូនេស៊ី ហើយអាចប្រឈមនឹងការជាប់ពន្ធនាគារដល់ទៅ១៥ឆ្នាំ៕
សូមទស្សនារូបភាពខាងក្រោម៖