ប្រហែលជាគ្នាយើងធ្លាប់ចោលស្បែកមាន់ អត់ញ៉ាំ ដោយសារគិតថាខ្លាញ់ច្រើន ប៉ុន្តែបើតាមអ្នកជំនាញសុខភាព បានឱ្យដឹងថា ស្បែកមាន់ ឆ្ងាញ់ហើយផ្ដល់ប្រយោជន៍ ច្រើនពុំគួរបោះចោល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមក្រុមអ្នកជំនាញសុខភាពពីសាកលវិទ្យាល័យ Harvard ស្បែកមាន់ ដូចទៅនឹងផ្លែប៊ើរដែរ ពោលគឺមានជាតិខ្លាញ់ល្អ (ខ្លាញ់ដែលមិនមានអ៊ីដ្រូសែនច្រើន) ដែលល្អសម្រាប់បេះដូង ដោយអាចជួយបន្ថយសម្ពាធឈាម និងកម្រិតកូឡេស្តេរ៉ូលអាក្រក់ក្នុងរាងកាយ តាមរយៈការដាស់ អ័រម៉ូនសកម្ម។
ម្យ៉ាងវិញទៀតក្រុមអ្នកជំនាញពីសាកលវិទ្យាល័យដដែលបានឱ្យដឹងថា នៅពេលចម្អិនសាច់មាន់ ដោយការចៀន ឬបំពង ស្បែកមាន់មានប្រយោជន៍ដោយវាជារបាំងទប់ជាតិខ្លាញ់ពីខាងក្រៅមិនឱ្យជ្រាបចូលក្នុងសាច់ច្រើន ពិសេសវាជួយបន្ថែមរសជាតិសាច់មាន់កាន់តែឆ្ងាញ់។
តែយ៉ាងណាមិញ តាមការវិភាគស្ថិតិ ទៅលើស្បែកមាន់ ដោយក្រុមអ្នកជំនាញឃើញថា កម្រិតសារធាតុ Omega 6 ច្រើន អាចបង្កឱ្យរលាកដល់រាងកាយទៅវិញ បើញ៉ាំច្រើន (ពុំគួរញ៉ាំស្ទើររាល់ថ្ងៃ) បន្ថែមពីនោះ ការញ៉ាំស្បែកមាន់ ចម្អិនរហូតដល់ខ្លោច ក៏ពុំគួរបរិភោគដែរ ដោយវាអាចផ្តល់ទុក្ខទោសដល់សុខភាពទៅវិញ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet