អង់គ្លេស៖ ក្លិបកាំភ្លើងធំ Arsenal ត្រូវបានគេរាយការណ៍ថានឹងចូលរួមប្រជែងជាមួយនឹងក្លិប West Ham ក្នុងការដណ្ដើមយកខ្សែការពាររបស់ក្លិប Frankfurt កីឡាករ Martin Hinteregger។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Hinteregger ហាក់ត្រូវគ្រប់ចំនុចទាំងអស់ដែល Arsenal ចង់បាន ដោយរូបគេមានសមត្ថភាពខ្ពស់ក្នុងការការពារ អាចស្វែងរកគ្រាបបាល់បាន នឹងជំនាញលេងនូវផ្នែកខាងឆ្វេងនៃតំបន់ការពារកណ្ដាល។
ក្លិបកាំភ្លើងធំ Arsenal នឹងតាមដានពីទម្រង់លេងរបស់ខ្សែការពារសញ្ជាតិអូទ្រីសរូបនេះអោយកាន់តែលម្អិតបន្ថែមទៀត នូវពេលដែលរូបគេនឹងត្រូវប្រកួតទល់នឹងក្រុម Arsenal នៅថ្ងៃទី២៨ ខែវិច្ឆិកា ខាងមុខនេះក្នុងព្រឹត្តិការណ៍ Europa League។
Arsenal បានរបូតគ្រាប់បាល់រហូតដល់១៥គ្រាប់រួចទៅហើយក្នុង១១ប្រកួតកន្លងទៅនេះ ក្នុងក្របខណ្ឌ Premier League ដោយតំបន់ការពាររបស់ពួកគេហាក់នូវមានភាពចន្លោះប្រហោងច្រើន។
យោងតាមកាសែត Mirror បានអោយដឹងថាលោក Unai Emery ជឿជាក់ថាខ្សែការពារក្រុម Frankfurt កីឡាករ Martin Hinteregger មានសមត្ថភាពគ្រប់គ្រាន់ក្នុងការមកពង្រឹងតំបន់ការពារក្នុងក្រុមរបស់លោក។
តាមរយៈប្រភពដដែលបានបន្តអោយដឹងទៀតថាក្លិប West Ham ក៏ចាប់ចិត្តនិងកំពុងតាមដានពីទម្រង់លេងរបស់ខ្សែការពារវ័យ២៧ឆ្នាំរូបនេះផងដែរ ហើយបើយោងតាមការវាយតម្លៃរបស់គេហទំព័រ transfermarkt បានអោយដឹងថាតម្លៃខ្លួនរបស់រូបគេបច្ចុប្បន្នមានតម្លៃប្រមាណ១២លានអឺរ៉ូ (ឬប្រហែល១៣លានដុល្លារអាមេរិក)។
គួររម្លឹកផងដែរថាកីឡាករ Martin Hinteregger បានចាកចេញពីក្លិប FC Augsburg មកចូលរួមជាមួយនឹងក្លិប Eintracht Frankfurt កាលពីដើមឆ្នាំ២០១៩នេះ ជាមួយនឹងតម្លៃផ្ទេរ៩លានអឺរ៉ូ (ឬប្រហែល៩,៩លានដុល្លារអាមេរិក) ដោយបង្ហាញខ្លួនបានចំនួន៤០ប្រកួត រកគ្រាប់បាល់បានចំនួន៦គ្រាប់និងបញ្ជូនបាល់អោយមិត្តរួមក្រុមបញ្ចប់ទីបានចំនួន១ដងក្នុងនាមជាខ្សែការពារកណ្ដាល៕
ប្រភព៖ The Sun