បុរសម្នាក់ កាលទម្ងន់១៣០គីឡូក្រាម ធ្លាប់តែអង្គុយបាក់កៅអី ឥឡូវនេះសម្រកបានសម្រេច

ម៉ាឡេស៊ី៖ បុរសម្នាក់ នៅឯប្រទេសម៉ាឡេស៊ី ព្យាយាមសម្រកទម្ងន់អស់ជាច្រើនគីឡូក្រាមបានសម្រេច ក្រោយពីលើសទម្ងន់ខ្លាំងពេក និងតែងតែអង្គុយបាក់កៅអី។

ប្រភពបានឲ្យដឹងថា បុរសរូបនោះមានឈ្មោះថា Noraman មានអាជីពជាគ្រូបង្រៀន។ កាលពី៣ឆ្នាំមុន គាត់មានទម្ងន់ចំនួន១៣០គីឡូក្រាម ប៉ុន្ដែបច្ចុប្បន្ននេះគាត់សម្រកនៅសល់ត្រឺមតែ៦៥គីឡូក្រាម។ ក្នុងអំឡុងពេលទម្ងន់លើសខ្លាំង បានធ្វើឲ្យសម្ពាធឈាមរបស់គាត់ឡើងខ្ពស់​ និងត្រូវបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់ទៀតផង។ ក្រោយពីដឹងថា ខ្លួនកំពុងប្រឈមនឹងបញ្ហាសុខភាព គាត់បានសម្រេចចិត្តព្យាយាមសម្រកឲ្យបានលឿនតាមដែលអាចធ្វើទៅបាន។

លោកគ្រូ Noraman បាននិយាយថា៖

ប្រភពបានបន្ដថា លោកគ្រូ Noraman តែងតែធ្វើឲ្យកៅអីបាក់ជានិច្ច ដោយសារតែកៅអីមិនអាចទ្រនឹងទម្ងន់របស់គាត់បាន។ ដូច្នេះរាល់ពេលអង្គុយម្ដងៗ គាត់ត្រូវដាក់កៅអីចំនួនពីរត្រួតលើគ្នា ទើបអាចការពារសុវត្ថិភាពបាន។ គាត់បានសម្រកទម្ងន់ដោយការហាត់ប្រាណ មិនទទួលទានបាយ និងលេបថ្នាំសម្រក ប៉ុន្ដែមិនបានទទួលលទ្ធផលអ្វីឡើយ។ មិត្តភក្ដិរបស់គាត់បានចែករំលែកបទពិសោទន៍ផ្ទាល់ខ្លួនទៅកាន់គាត់ក្នុងការសម្រកទម្ងន់ ដោយទទូលទានអាហារជាមួយបន្លែស្រស់ៗ កាត់បន្ថយសាច់ និងហាត់ប្រាណបន្ដិចបន្ដួចប៉ុណ្ណោះ។

យ៉ាងណាមិញ ក្រោយពីការព្យាយាមធ្វើតាមការណែនាំរបស់មិត្តភក្ដិអស់​រយៈពេល៣ឆ្នាំរួចមក ទីបំផុតលោកគ្រូ Noraman សម្រកទម្ងន់បានសម្រេច ដែលធ្វើឲ្យប្រពន្ធស្ងើបសរសើរ ហើយគាត់ក៏កំពុងទទួលបានការចាប់អាម្មណ៍យ៉ាងខ្លាំងពីបណ្ដាអ្នកលេងបណ្ដាញសង្គមផងដែរ៕

តើប្រិយមិត្តអ្នកអានយល់ឃើញយ៉ាងណាដែរ?

សូមទស្សនារូបភាពខាងក្រោម៖