រុស្ស៊ី៖ ថ្មីៗនេះ បែកធ្លាយវីដេអូមួយដែលបង្ហាញពី អ្នកបើកយន្ដម្នាក់ អនុញ្ញាតឲ្យយុវនារីម្នាក់ អង្គុយកាន់ចង្កូតយន្ដហោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា កាលពីថ្ងៃទី៣១ ខែតុលាឆ្នាំ២០១៩កន្លងទៅនេះ ជើងហោះហើរមួយរបស់ក្រុមហ៊ុនអាកាសចរណ៍រុស្ស៊ី InAero បានធ្វើដំណើរពីទីក្រុង Yakutsk ទៅកាន់ទីក្រុង Batagai ដែលមានផ្ទុកអ្នកដំណើរចំនួន៥០នាក់។
យោងតាមវីដេអូបានបង្ហាញឲ្យឃើញថា យុវនារីដែលមានឈ្មោះថា Anna អាយុប្រហែល២០ឆ្នាំ កំពុងអង្គុយនៅកន្លែងអ្នកបើកយន្ដហោះ ដោយមានសំឡេងបុរសដែលជាអ្នកបើកយន្ដហោះកំពុងប្រាប់ពីការណែនាំ។
សម្រាប់វីដេអូនោះដែរ ត្រូវបានបែកធ្លាយនៅថ្ងៃទី០២ ខែវិឆ្ឆិកា ក្រោយពីនាង Anna បានបង្ហោះទៅលើគណនីបណ្ដាញសង្គមអ៊ិនស្ដាក្រាមផ្ទាល់របស់នាង និងត្រូវបានលុបចោលទៅវិញ។
ប្រភពបានបន្ដថា បុរសដែលជាអ្នកបើកយន្ដហោះមានឈ្មោះថា Kirill S មានទំនាក់ទំនងជិតស្និតជាមួយនឹងនាង Anna ហើយពួកគេទាំងពីរត្រូវជាសង្សារនឹងគ្នា។
យ៉ាងណាមិញ ក្រោយពីបែកធ្លាយវីដេអូនោះរួចមក ខាងរដ្ឋអាជ្ញារុស្ស៊ីកំពុងធ្វើការស៊ើបអង្កេត និងកោះហៅនាង Anna ព្រមទាំងអ្នកបើកយន្ដហោះមកសាកសួរបន្ថែមផងដែរ៕
សូមទស្សនារូបភាពនិងវីដេអូខាងក្រោម៖