ភ្នំពេញ៖ ចាប់តាំងពីលោកឯកឧត្តម គួច ចំរើន ឡើងកាន់តំណែងជាអភិបាលថ្មីនៃខេត្តព្រះសីហនុមក បានធ្វើឲ្យប្រជាជនដែលនៅក្នុងខេត្តនេះទាំងមូល កាន់តែមានភាពកក់ក្តៅសប្បាយចិត្ត ជាមួយនឹងការយកចិត្តដាក់របស់លោកចំពោះប្រជាពលរដ្ឋគ្រប់រូបផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ត្រឹមរយៈពេលមិនប៉ុន្មានខែ ដែលលោក គួច ចំរើន បានឡើងកាន់តំណែង គេសង្កេតឃើញថា លោកទទួលបានការស្រលាញ់ និងគោរពយ៉ាងច្រើនលើសលប់ ពីសំណាក់ប្រជាជន ដោយសារតែ ទង្វើដ៏ល្អគួរឲ្យយកគំរូតាមរបស់លោក។
លើសពីនេះ បើទោះបីជា លោកមានឋានៈជាអភិបាលខេត្តក៏ពិតមែន ប៉ុន្តែលោកមិនធ្លាប់មានការប្រកាន់ខ្លួន ឬប្រកាន់ឋានៈអ្វីឡើយ ពោលគឺរាល់ពេលដែលមានគ្រោះអាសន្នម្តងៗ គេតែងតែឃើញវត្តមានរបស់លោករួមជាមួយនឹងកងកម្លាំង ចុះទៅធ្វើការអន្តរាគមន៍ដោយផ្ទាល់ ដោយមិនខ្លាចមានគ្រោះថ្នាក់ចំពោះអាយុជីវិតរបស់ខ្លួនអ្វីបន្តិចឡើយ។
ជាក់ស្តែង ក៏ដូចជាមិនប៉ុន្មានថ្ងៃមកនេះ គឺមានអគ្គីភ័យឆាបឆេះរហូតដល់២កន្លែង ក្នុងរយៈពេល២ថ្ងៃជាប់គ្នា ប៉ុន្តែគេនៅតែឃើញវត្តមានរបស់លោក គួច ចំរើន ចុះទៅធ្វើការអន្តរគមន៍យ៉ាងសកម្មដោយផ្ទាល់ទាំងយប់ ជាមួយនឹងក្រុមកងកម្លាំងពន្លត់អគ្គីភ័យ និងក្រុមមន្រ្តីដែលពាក់ព័ន្ធថែមទៀតផងដែរ។
យ៉ាងណាមិញ ទង្វើដ៏គួរឲ្យគោរព ធ្វើការបម្រើប្រជាជនដោយមិនខ្លាចនឿយហត់ របស់លោក គួច ចំរើន បានធ្វើឲ្យប្រជាជនក្នុងខេត្តព្រះសីហនុទាំងអស់ កោតសរសើរស្ញប់ស្ញែង និងកាន់តែធ្វើឲ្យពួកគេមានអារម្មណ៍កក់ក្តៅ និងពោរពេញទៅដោយសុវត្ថិភាពផងដែរ៕
រូបភាពពី៖ ផ្សព្វផ្សាយអប់រំ ស្នងការដ្ឋាននគរបាលខេត្តព្រះសីហនុ