យើងដឹងហើយថា គ្រប់ករណីមហារីកមាត់ស្បូន បង្កដោយមេរោគ HPV (Human Papilloma Virus) ហើយមេរោគនេះជាញឹកញាប់ឆ្លងពីម្នាក់ទៅម្នាក់ តាមការរួមភេទ។ ជំងឺមហារីកមាត់ស្បូនឧស្សហ៍កើតមានតែលើស្រីៗប៉ុណ្ណោះ ដូច្នេះស្រីៗចាំបាច់ត្រូវតែចាក់វ៉ាក់សាំងការពារ ប្រុសៗមិនបាច់ចាក់នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែបើតាមពន្យល់របស់លោកស្រី វេជ្ជបណ្ឌិត ពឹង ជុតិមា នាយិកាសេវាកម្មគ្លីនិករ៉ាក់ វ៉ាក់សាំងការពារជំងឺមហារីកមាត់ស្បូនអាចចាក់បានចំពោះក្មេងដែលមានអាយុចាប់ពី ៩ ឆ្នាំ ឡើងទៅ ហើយវ៉ាក់សាំងមហារីកមាត់ស្បូនដែលអាចរកបាននៅស្រុកខ្មែរយើងមាន២ប្រភេទ។
១. វ៉ាក់សាំងការពារបានទាំងជំងឺមហារីកមាត់ស្បូន និងជំងឺសិរមាន់៖ វ៉ាក់សាំងនេះចាក់បានទាំងស្រីទាំងប្រុស។
២. វ៉ាក់សាំងការពារជំងឺមហារីកស្បូនតែមួយមុខ៖ វ៉ាក់សាំងនេះសម្រាប់ចាក់តែលើមនុស្សស្រីនោះទេ។
ឆ្លើយនឹងសំណួរថា ហេតុអ្វីក្មេងប្រុសត្រូវចាក់វ៉ាក់សាំងមហារីកមាត់ស្បូនដែរ?
លោកស្រីវេជ្ជបណ្ឌិតថា ប្រុសៗក៏ជាភ្នាក់ងារចម្លងមួយដែរ បើក្មេងប្រុសៗបានចាក់វ៉ាក់សាំងប្រភេទទី១ ដែលការពារបានទាំងជំងឺមហារីកមាត់ស្បូន និងជំងឺសិរមាន់ នោះពេលដល់វ័យប្រឡូកនឹងការរួមភេទ គេមិនអាចមានលទ្ធភាពចម្លងទៅមនុស្សស្រី ឬដៃគូឡើយ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet