ជំងឺលើសសម្ពាធឈាម ឬលើសឈាម ជាជំងឺរ៉ាំរ៉ៃ កើតឡើងពេលសម្ពាធសរសៃឈាមឡើងខ្ពស់រហូត ដោយមិនទាក់ទងជាមួយអ្វីយើងញ៉ាំ ឬសកម្មភាពយើងបានធ្វើនោះទេ យ៉ាងណាកត្តារស់នៅប្រចាំថ្ងៃ របបអាហារ ការប្រើប្រាស់ថ្នាំព្យាបាលជំងឺមួយចំនួនក៏ ជាមូលហេតុធំៗនាំឲ្យកើតជំងឺនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមក្បូនពេទ្យ កាលណាកម្រេិតឈាមឡើងខាងលើ ធំជាង១៤០ មិល្លីម៉ែត្របារត ឬស្មើ និងកម្រិតឈាមខាងក្រោមធំជាង ឬ ស្មើ៩០ មិល្លីម៉ែត្របារត (១៤០/៩០ មិល្លីម៉ែត្របារត) ពេលវាស់ មានន័យថាលើសសម្ពាធឈាមហើយ ត្រូវប្រញាប់ទៅជួបគ្រូពេទ្យដើម្បីតាមដានពីសម្ពាធឈាម តើយើងមានជំងឺលើសឈាមពិតមែនឬយ៉ាងណា?
ដើម្បីទទួលបានលទ្ធផលជាក់ច្បាស់ មុនវាស់សម្ពាធឈាម យើងគួរតែធ្វើតាមការណែនាំខាងក្រោម៖
– ត្រូវធ្វើវាស់សម្ពាធឈាមពេលព្រឹកព្រលឹម មិនទាន់ញ៉ាំអី
– មុនពេលវាស់ឈាម ត្រូវសម្រាកយ៉ាងហោចណាស់៥នាទី
– គេងឲ្យបានគ្រប់គ្រាន់
– មិនត្រូវផឹកកាហ្វេនោះទេ
– មុនវាស់សម្ពាធឈាម ត្រូវសម្រាក តាំងអារម្មណ៍ឲ្យល្អ មិនមានការតានតឹង មិនភ័យខ្លាចពេលជួបជាមួយគ្រូពេទ្យ និងមិនត្រូវធ្វើសកម្មភាពអ្វីទាំងអស់។
ចំពោះមូលហេតុដែលគ្រូពេទ្យណែនាំខាងលើនេះ ដោយសារតែសម្ពាធឈាមមនុស្សគ្រប់រូបអាចឡើងខ្ពស់ខុសធម្មតា ទោះជាគ្មានជំងឺលើសឈាមក៏ដោយ។ កត្តាដែលនាំឲ្យសម្ពាធឈាមឡើងខ្ពស់នោះ មានដូចជាអារម្មណ៍ត្រេកអរ ភិតភ័យ ការធ្វើសកម្មភាពរាងកាយផ្សេងៗ (រត់ ជិះកង់ ឡើងជណ្តើរ…) គេងមិនគ្រប់គ្រាន់ ឬផឹកកាហ្វេ នេះបើតាមការពន្យល់របស់លោកស្រីវេជ្ជបណ្ឌិត គុជ ឆោមដាលីន ឯកទេសជំងឺទូទៅ បម្រើការងារនៅមជ្ឈមណ្ឌលវេជ្ជសាស្ត្រសិង្ហបុរី (Singapore Medical Center)។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T