អេស្ប៉ាញ៖ យោងតាមគេហទំព័រ AS បានអោយដឹងថាក្លិប Real Madrid ត្រៀមលក់ខ្សែបម្រើសញ្ជាតិអេស្ប៉ាញកីឡាករ Isco និងកីឡាករ Mariano Diaz នៅខែមករាខាងមុខនេះដើម្បីទុកកន្លែងចន្លោះសម្រាប់កីឡាករ Christian Eriksen។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិប Real Madrid គឺជាក្លិបមួយក្នុងចំណោមក្លិបផ្សេងៗទៀតដែលចាប់អារម្មណ៍ក្នុងការចុះកុងត្រាយកកីឡាករ Christian Eriksen ពីក្រុម Tottenham Hotspurs ដែលកុងត្រារបស់ខ្សែបម្រើសញ្ជាតិដាណឺម៉ាករូបនេះនឹងត្រូវផុតកំណត់នៅឆ្នាំ២០២០ខាងមុខ។
យោងតាមប្រភពដដែលបានអោយដឹងថាក្លិប Real Madrid អាចផ្ទេរយក Eriksen មកបានលុះត្រាណាតែពួកគេអាចលក់ Isco និង Mariano Diaz អោយបានដាច់ស្រេចសិន។
គួរបញ្ជាក់ផងដែរថាកីឡាករ Mariano Diaz បង្ហាញខ្លួនបានតែ១ដងគត់ក្នុងរដូវកាលនេះដែលរូបគេហាក់មិនស្ថិតក្នុងគម្រោងរបស់លោក Zidane នោះទេដោយ Real Madrid ត្រៀមដាក់លក់កីឡាកររូបនេះក្នុងតម្លៃ២០លានអឺរ៉ូ (ឬប្រហែល២២លានដុល្លារអាមេរិក) ចំណែកឯ Isco ក៏អាចនឹងត្រូវលក់ចេញផងដែរដោយបច្ចុប្បន្នតម្លៃខ្លួនរបស់កីឡាករវ័យ២៧ឆ្នាំរូបនេះមានតម្លៃប្រមាណ៥៨លានអឺរ៉ូ (ឬប្រហែល៧៤លានដុល្លារអាមេរិក)៕
ប្រភព៖ Beinsports