បារាំង៖ ក្លិបអ្នកមាននៅបារាំង Paris Saint-Germain ត្រូវបានគេរាយការណ៍មកថាបានចូលខ្លួនមកប្រជែងជាមួយបណ្ដាក្លិបធំៗចំនួន៤ ក្នុងការទិញខ្សែប្រយុទ្ធរបស់ Bayer Leverkusen កីឡាករ Kai Havertz។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធជម្រើសជាតិអាល្លឺម៉ង់ Haverts រកបានគ្រាប់បាល់ ២០គ្រាប់ក្នុងចំណោមការបង្ហាញខ្លួនសរុប ៤២ប្រកួតកាលពីរដូវកាលមុន ខណៈរដូវកាលនេះគេរកបាន ១១គ្រាប់ហើយ។
ក្លិបយក្សទាំង៤ ដែល PSG ចូលខ្លួនប្រជែងក្នុងការដណ្ដើមគ្នាទិញយកខ្សែប្រយុទ្ធវ័យ ២០ឆ្នាំ Haverts រួមមាន Barcelona, Real Madrid, Manchester United និង Liverpool។ បន្ថែមលើសពីនេះបើតាមកាសែត Le10sport បានចុះផ្សាយថា PSG ហ៊ានផ្ដល់តម្លៃខ្លួនរហូតដល់៩០លានផោនឲ្យ Leverkusen ខណៈកិច្ចសន្យារវាង Haverts និងក្លិបអាល្លឺម៉ង់មួយនេះនៅមានសុពលភាព ៣ឆ្នាំទៀត។
ឲ្យដឹងដែរថា អំឡុងថ្ងៃសម្រាករបស់ FIFA សម្រាប់ក្រុមជម្រើសជាតិខ្សែប្រយុទ្ធវ័យក្មេងរូបនេះក៏បានរកគ្រាប់បាល់ឲ្យឥន្រ្ទីដែកអាល្លឺម៉ង់ ក្នុងជំនួបមិត្តភាពជាមួយអាហ្សង់ទីនផងដែរ៕
ប្រភព៖ SportsMole