អង់គ្លេស៖ កីឡាករ David Luiz ជឿជាក់យ៉ាងខ្លាំងថា ក្លិបកាំភ្លើងធំ Arsenal នឹងអាចប្រជែង Premier League ជាមួយនឹង Liverpool បានរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុម Liverpool បច្ចុប្បន្នឈរនៅកំពូលដោយមាន២៤ពិន្ទុ ក្នុងចំណោម៨ប្រកួតខណៈពេលដែលក្រុម Manchester City ឈរនៅលេខ២មាន១៦ពិន្ទុ រីឯក្រុមកាំភ្លើងធំ Arsenal ឈរនៅលេខ៣ មាន១៥ពិន្ទុ ដេញពីក្រោយ Liverpool រហូតដល់ទៅ៩ពិន្ទុ។
ក្រុម Arsenal មិនមានឱកាសបានលេងក្នុងព្រឹត្តិការណ៍ Champions League រដូវកាលនេះនោះទេ បន្ទាប់ពីរដូវកាលមុនពួកគេបញ្ចប់ក្នុងចំណាត់ថ្នាក់លេខ៥ ហើយពួកគេបានខកខានលើកពាន Premier League រយៈពេល១៦ឆ្នាំទៅហើយដោយការឈ្នះលើកចុងក្រោយបំផុតក្នុងរជ្ជកាលលោក Arsene Wenger រដូវកាល២០០៣/០៤។ ប៉ុន្តែកីឡាករ David Luis ដែលជាខ្សែការពារចំណូលថ្មីរបស់ Arsenal នៅតែជឿជាក់យ៉ាងមុតមាំថា Arsenal នៅមានឱកាសប្រជែងពានជាមួយ Liverpool បានក្នុងរដូវកាលនេះ។
Luiz បាននិយាយក្នុងកិច្ចសំភាសន៍ជាមួយនឹង NBC Sports ថា៖
"ខ្ញុំចង់ឈ្នះពានជាមួយនឹង Arsenal។ ខ្ញុំចង់អភិវឌ្ឍន៍សមត្ថភាពនិងសម្របខ្លួនអោយត្រូវតាមទម្រង់លេងរបស់ Arsenal ក្នុងការលេងជាក្រុមនិងរបៀបដែលគ្រូវបង្វឹកចង់អោយយើងលេង។ ខ្ញុំគិតថាពួកយើងអាចធ្វើបាន។"
Luiz បាននិយាយបន្តទៀតថា៖
"ចក្ខុវិស័យក៏ដូចជាមហិច្ឆតានិងឆន្ទៈរបស់ខ្ញុំ គឺការព្យាយាមប្រជែងដើម្បីឈ្នះពានដោយមានការសហការគ្នារវាងក្លិប គ្រូបង្វឹកនិងកីឡាករទាំងអស់ខ្ញុំជឿជាក់ថា ពួកយើងមានលទ្ធភាពក្នុងការប្រជែងពាន៕"
ប្រភព៖ Mirror
Bong I.T