អង់គ្លេស៖ ក្លិបហង្សក្រហម Liverpool និង ក្លិបតោខៀវ Chelsea ត្រូវបានគេរាយការណ៍ថា កំពុងពិចារណាក្នុងការចុះកុងត្រាផ្ទេរយកខ្សែបម្រើសញ្ជាតិអង់គ្លេសកីឡាករ Lewis Cook ពីក្លិប Bournemouth។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Cook បានបង្ហាញទម្រង់យ៉ាងល្អក្នុងតំបន់បម្រើចាប់តាំងពីគាត់លេងក្នុងក្លិប Leeds មកម្ល៉េះ ហើយបច្ចុប្បន្ននេះ គាត់មានវ័យទើបតែ២២ឆ្នាំប៉ុណ្ណោះ ដែលគាត់អាចមានពេលវេលាច្រើនទៀតសម្រាប់ធ្វើការអភិវឌ្ឍខ្លួន។
ខ្សែបម្រើ Lewis Cook បង្ហាញខ្លួនបានចំនួន២៩ប្រកួតកាលពីរដូវកាល ២០១៧/១៨ ប៉ុន្តែសម្រាប់រដូវកាលមុនគាត់ចូលប្រកួតបានតែ១៣លើកប៉ុណ្ណោះ ដោយសារតែ គាត់រងរបួសជង្គង់។ យ៉ាងណាមិញ បច្ចុប្បន្ននេះគាត់អាចចូលលេងវិញហើយ ដោយគាត់បានបង្ហាញខ្លួនចំនួន៣លើកក្នុងរដូវកាលនេះ។
យោងតាមកាសែត Daily Mail បានអោយដឹងក្លិប Liverpool និង Chelsea កំពុងតាមដានពីស្ថានភាពរបស់កីឡាករ Lewis Cook ជាមុនសិនដោយមើលទៅលើទម្រង់លេងនិងភាពរឹងមាំរបស់គាត់បន្ទាប់ពីជាសះស្បើយពីរបួស។
បើយោងទៅតាមប្រភពដដែលបានបន្តអោយដឹងទៀថា ប្រសិនបើកកីឡាករ Lewis Cook អាចបន្តទម្រង់លេងល្អនៅតំបន់កណ្ដាលបានល្អរហូតដល់ចប់រដូវកាលនេះ នោះក្លិប Liverpool និង Chelsea នឹងរៀបចំដាក់សំណើទៅកាន់ក្លិប Bournemouth ដើម្បីចចារយកកីឡាកររូបនេះនៅរដូវក្ដៅឆ្នាំក្រោយ៕
ប្រភព៖ 101greatgoals