សម្រុកគ្នាឡើងកក្រើកសង្វៀន!! មឿន សុខហ៊ុច ផ្ដួលជើងខ្លាំងថៃ ឡើងទៅដណ្ដើមខ្សែក្រវ៉ាត់ និងលុយ ៤,០០០ដុល្លារ (មានវីដេអូ)

ភ្នំពេញ៖ ជើងខ្លាំងកម្ពុជាកីឡាករ មឿន សុខហ៊ុច បានប្រកួតឈ្នះជើងខ្លាំងរបស់ថៃធ្លាប់ឈ្នះខ្សែក្រវ៉ាត់៦ដង យ៉តធួនថង ដោយពិន្ទុកាលពីថ្ងៃសៅរ៍កន្លងទៅ​ក្នុងកម្មវិធីប្រកួតគុនខ្មែរជើងឯកគោជល់ប៉ះគ្នា របស់ស្ថានីយ៍ទូរទ្សន៍ CNC ។

ការប្រកួតពេញ ៥ទឹក ទាំងកីឡាករកម្ពុជា មឿន សុខហ៊ុច និងកីឡាករថៃ យ៉តធួនថង បានបុកគ្នា និងប្ដូរគ្នាយ៉ាងខ្លាំង ដែលបានធ្វើឲ្យទស្សនិកជនដែលទៅទស្សនាផ្ទាល់ ស្រែកហ៊ោរកញ្ជ្រៀវ អង្រួនពេញសង្វៀន ដោយកីឡាករទាំងពីរព្យាយាមទាត់ វ៉ៃជង្គង់ និងប្ដូរកែងគ្នាយ៉ាងខ្លាំងៗ។ ជាលទ្ធផល មឿន សុខហ៊ុច ឈ្នះយ៉តធួនថង ដោយពិន្ទុមិនឯកច្ឆ័ន ៣ទល់នឹង២។

ក្រោយយកឈ្នះ យ៉តធួនថង ធ្វើឲ្យមឿន សុខហ៊ុច កក់កៅអីសម្រាប់វគ្គផ្ដាច់ព្រ័ត្រដណ្ដើមខ្សែក្រវ៉ាត់ និងលុយ ៤,០០០ដុល្លា ដោយរង់ចាំដៃគូមួយរូបទៀតដែលនឹងរកឃើញនៅសប្ដាហ៍នេះរវាងកីឡាករកម្ពុជា ឡុង សំណាង និងកីឡាករថៃ ណាត់ថាផុន៕

ចង់ឃើញថា មឿន សុខហ៊ុច និង យ៉តធួនថង សម្រុកគ្នាល្អមើលយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

ប្រភព៖ SportZone