តូតា ជូនកាដូខ្លួនឯងចុងឆ្នាំ ជាមួយនឹងរថយន្តទំនើប ក្រោយខំធ្វើការរកលុយកន្លងមក

ភ្នំពេញ៖ ទន្ទឹមនឹងការទទួលបានភាពជោគជ័យ លើការងារសិល្បៈ មុខជំនួញ និង ការលក់ផលិតផល កញ្ញា ម៉ាក សែនសូនីតា ក៏កាន់តែរកចំណូលជាច្រើន ចូលផ្ទះផងដែរ រហូតនាង អាចមានសមត្ថភាព ទិញរបស់របរទំនើបៗប្រើប្រាស់ និង វីឡាស្កឹមស្កៃនៅបាន។

ជាក់ស្តែង កាលពីប៉ុន្មានម៉ោងមុន តារាស្រីរូបនេះ ក៏បានជូនពរខ្លួនឯង ដែលខិតខំអស់រយៈពេលកន្លងមក ជាមួយនឹងការទិញរថយន្តថ្មីទំនើបមួយគ្រឿង ម៉ាក Rang Rover ទាំងដែលនាង កំពុងប្រើប្រាស់រថយន្តធំ មួយទៅហើយ។​ ប៉ុន្តែប្រហែលជានាងគិតថា វាមិនទាន់គ្រប់គ្រាន់សម្រាប់នាង ទើបធ្វើឲ្យតូតា ទិញរថយន្តបន្ថែម ជាមួយនឹងតម្លៃក៏មិនមែនថោកនោះដែរ។

យ៉ាងណាមិញ ភាពមានបានរបស់ តូតា តែងតែធ្វើឲ្យគេសរសើរមិនដាច់ពីមាត់ ដែលបានពីការខំប្រឹងប្រែង ទម្រាំបានអ្វីដែលខ្លួនស្រលាញ់ និងពេញចិត្ត៕