អ្នកចាត់ការទូទៅក្រុមសេះបង្កង់ Juventus លោក Maurizio Sarri ត្រូវបានគេរាយការណ៍ថាបានដាក់គោលដៅចង់បានកីឡាករឆ្នើម៣រូបក្នុងក្របខណ្ឌ Premier League រួមមានកីឡាករ N’golo Kante និង Emerson របស់ក្លិបតោខៀវ Chelsea រួមជាមួយនឹងខ្សែបម្រើប្រយុទ្ធរបស់ក្លិប Tottenham Hotspur កីឡាករ Christian Eriksen។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Sarri បានដឹកនាំក្រុម Juventus ក្នុងរដូវកាលថ្មីនេះបានយ៉ាងល្អដោយស្វែងរកជ័យជម្នះបាន៦ប្រកួតនិងស្មើតែម្ដងប៉ុណ្ណោះក្នុងថំណោម៧ប្រកួតកន្លងទៅនេះដោយឈរនៅចំណាត់ថ្នាក់លេខ១ក្នុងក្របខណ្ឌអ៊ីតាលី Serie A មាន១៩ពិន្ទុនៅក្នុងដៃ។
គោលដៅធំបំផុតរបស់លោក Sarri គឺចង់ជួយអោយ Juventus លើកពាន Champions League ដោយមានបំណងចង់នាំយកកីឡាករជាច្រើនរូបមកពង្រឹងក្រុម។
យោងតាមកសែត Le10Sport បានអោយដឹងថាលោក Sarri សម្លឹងឃើញកីឡាករ ៣រូបដែលអាចជួយគាត់ដើម្បីសម្រេចគោលដៅបានរួមមានកីឡាករ Kante, Emerson និង Christian Eriksen។ ដោយកីឡាករ Kante និង កីឡាករ Emerson ធ្លាប់ជាកូនក្រុមរបស់លោកអំឡុងពេលដឹកនាំក្រុម Chelsea ដែលងាយស្រួលសម្រាប់លោកទាក់ទងនឹងបញ្ចុះបញ្ចូលកីឡាករទាំងពីរនេះមកកាន់ទឹកដី Turin ចំណែកឯកីឡាករ Christian Eriksen អាចនឹងចាកចេញពី Spur ដោយគ្មានតម្លៃខ្លួនដោយសារតែកុងត្រារបស់គាត់នឹងត្រូវបញ្ចប់ក្នុងរដូវកាលនេះដែលនេះក៏អាចជាឱកាសមួយសម្រាប់ក្រុម Juventus ផងដែរ។
គួរបញ្ជាក់ផងដែរថាក្លិប Real Madrid ក៏ចាប់អារម្មណ៍ចង់បានកីឡាករ Kante និង Eriksen ផងដែរ ដោយក្លិប Juventus ប្រហែលជាលំបាកក្នុងការប្រជែងយកកីឡាករទាំងពីររូបនេះជាមួយនឹង Real Madrid៕
ប្រភព៖ Dailymail