ជប៉ុន៖ កាលពីថ្ងៃទី១២ ខែតុលា ឆ្នាំ២០១៩កន្លងទៅនេះ ប្រទេសជប៉ុនបានទទួលរងគ្រោះពីព្យុះទីហ្វុងហាហ្គីប៊ី (Typhoon Hagibis) ដែលបំផ្លិចបំផ្លាញផ្ទះសម្បែង និងទ្រព្យសម្បត្តិរបស់ប្រជាជនអស់យ៉ាងច្រើន។ ប្រជាជនមួយចំនួនបានរងរបួស ស្លាប់ បាត់ខ្លួននិងមួយចំនួនផ្សេងទៀតត្រូវជម្លៀសខ្លួនទៅកន្លែងសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា នៅក្នុងទីក្រុង Iwaki មានករណីស្ត្រីវ័យ៧៧ម្នាក់ (មិនបញ្ចេញអត្តសញ្ញាណ) បានធ្លាក់ស្លាប់ពីលើឧទ្ធម្ភាគចក្រកម្ពស់៤០ម៉ែត្រ ខណៈពេលក្រុមសង្គ្រោះព្យាយាមជួយសង្គ្រោះគាត់ទៅកាន់កន្លែងមានសុវត្ថិភាព។
យោងតាមវីដេអូឃ្លីបដែលត្រូវបានគេថត បង្ហាញឲ្យឃើញថា ក្រុមសង្គ្រោះមួយក្រុមបានធ្វើដំណើរតាមរយៈឧទ្ធម្ភាគចក្រដើម្បីជួយសង្គ្រោះប្រជាជនដែលជាប់គាំងដោយសារទឹកជំនន់។ នៅពេលមកដល់ចំនុចកើតហេតុ បានប្រទះឃើញស្ត្រីម្នាក់ ក៏ទម្លាក់ខ្សែពួរដើម្បីទាញគាត់ឡើងមកលើឧទ្ធម្ភាគចក្រ។ លុះពេលឡើងជិតដល់ ស្រាប់តែស្ត្រីនោះបានរបូតខ្លួនចេញពីខ្សែពួរ ធ្លាក់ចូលទៅក្នុងទឹកបាត់ទៅ។
ក្រោយពីកើតហេតុរួចមក ត្រូវបានគេរាយការណ៍ថា ស្ត្រីនោះបានស្លាប់បាត់ទៅហើយ នៅពេលបញ្ជូនទៅដល់មន្ទីរពេទ្យ។ ចំណែកខាងក្រុមសង្គ្រោះ ក៏បានធ្វើការសុំទោសជាផ្លូវការចំពោះការធ្វេសប្រហែសរបស់ខ្លួន ដែលមិនបានពិនិត្យទំពក់ខ្សែពួរឲ្យបានល្អិតល្អន់ផងដែរ៕
សូមទស្សនារូបភាពនិងវីដេអូខាងក្រោម៖
WARNING: Dangerous Incident