បរទេស៖ អតីតអ្នកចាត់ការទូទៅ Manchester United លោក Jose Mourinho បានទម្លាយឲ្យដឹងថារូបលោកមិនដែលចង់បានកីឡាករ Fred ពី Shaktar Donetsk នោះទេ។ ប៉ុន្តែការទិញកីឡាកររូបនេះមកកាន់កីឡដ្ឋាន Old Trafford អ្នកចាត់ការទូទៅសញ្ជាតិព័រទុយហ្គាល់បានប្រាប់ថាបង្ខំចិត្តក្នុងការទិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើសញ្ជាតិប្រេស៊ីល Fred ត្រូវបាន Man UTD ទិញកាលពីទីផ្សារដោះដូរកីឡាកររដូវក្ដៅកាលពីឆ្នាំមុនអំឡុងពេលក្រោមការដឹកនាំរបស់លោក Jose Mourinho ក្នុងតម្លៃខ្លួន ៥៩លានអឺរ៉ូ។
Fred ហាក់មិនបានបង្ហាញទម្រង់លេងឲ្យសមទៅនឹងតម្លៃខ្លួនរបស់គេនោះទេ ដោយមិនសូវមានឱកាសក្នុងការចូលលេងជម្រើសដំបូងទាំងក្នុងរជ្ជកាលដឹកនាំរបស់លោក Jose Mourinho និងអ្នកាចាត់ការទូទៅបច្ចុប្បន្នលោក Ole Gunnar Solskjaer ហើយមានមតិរិះគន់ជាច្រើនពីអ្នកគាំទ្រចំពោះសមត្ថភាពរបស់គេ។
យ៉ាងណាមិញ អ្នកចាត់ការទូទៅរហស្សនាម Special One បានប្រាប់ថាលោកទិញយក Fred មក Man UTD ពេលនោះ ព្រោះលោកគ្មានជម្រើស ដោយពេលនោះលោកមិនប្រាកដថាអាចយកបានខ្សែបម្រើរូបណាក្រៅពីរូបគេ។
គួរឲ្យដឹងដែរថា ជាងមួយរដូវកាលនៅ Manchester United ខ្សែបម្រើវយ ២៦ឆ្នាំ Fred ចូលលេងបានត្រឹមតែ ៣២ប្រកួតប៉ុណ្ណោះ ខណៈលោក Ole Gunnar Solskjaer ទទួលស្គាល់ថា Fred ត្រូវការចំណាយពេលវេលាបន្តទៀត ដើម្បីសម្របខ្លួននៅទឹកដីអង់គ្លេស៕
ប្រភព៖ FoxSportsAsia