អង់គ្លេស៖ លោក Jurgen Klopp ត្រូវបានជាប់ជាគ្រូវបង្វឹកល្អជាងគេបំផុតប្រចាំក្របខណ្ឌ Premier League ខែកញ្ញា ក្រោយដឹកនាំក្រុមមិនដែលស្គាល់ពាក្យថាចាញ់ក្នុងចំណោម៨ប្រកួតកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Klopp បានដឹកនាំក្រុម Liverpool បានយ៉ាងជោគជ័យដោយពួកគេចាប់ផ្ដើមរដូវកាលថ្មីនេះបានយ៉ាងល្អ ក្នុងចំណោម៨ប្រកួតកន្លងទៅនេះ ពួកគេរកបាន២៤ពិន្ទុពេញមិនដែលស្គាល់ពាក្យថាចាញ់នោះទេ។
លោក Klopp ត្រូវបានគេបោះឆ្នោតច្រើនជាងគេ ដោយបានផ្ដួលគូប្រជែងរបស់លោក៣រូបទៀតរួមមានលោក Eddie Howe គ្រូបង្វឹកក្រុម Bournemouth លោក Frank Lampard គ្រូបង្វឹកក្រុមតោខៀវ Chelsea និងលោក Brendan Rodgers គ្រូបង្វឹកក្រុម Leicester City។
ក្រុមរបស់លោក Klopp បច្ចុប្បន្ននេះកំពុងឈរនៅកំពូលតារាងដាច់ក្រុមលេខ២ Manchester City រហូតទៅដល់៨ពិន្ទុឯណោះ។ ចាំមើលថាតើក្រុមណាអាចបញ្ឈប់ភាពមិនដែលចាញ់របស់ក្រុម Liverpool បានខណៈពេលដែលពួកគេនឹងប៉ះគ្នាជាមួយក្រុម Manchester United ក្នុងសប្ដាហ៍ទី៩នេះ៕
ប្រភព៖ Skysports