អេស្ប៉ាញ៖ ថ្មីៗនេះក្លិប Inter Milan ត្រូវបានគេរាយការណ៍ថាបានចូលខ្លួនប្រជែងជាមួយក្លិប Manchester United និង ក្លិប Juventus ក្នុងការដណ្ដើមយកកីឡាកខ្សែបម្រើឆ្នើមរបស់ Barcelona គឺកីឡាករ Ivan Rakitic។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ៣១ឆ្នាំរូបនេះធ្លាប់តែជាជម្រើស១១នាក់ដំបូងរបស់ក្លិប Barcelona ប៉ុន្តែក្នុងរដូវកាលរូបនេះរូបគេភាគច្រើនបានត្រឹមអង្គុយកៅអីបម្រុងតែប៉ុណ្ណោះក្រោយមានវត្តមានកីឡាករចំណូលថ្មី Frenkie de Jong ដែលបានផ្ទេរមកពីក្រុម Ajax អំឡុងពេលទីផ្សារដោះដូរកីឡាករកាលពីពេលថ្មីៗនេះ។
ដោយសារតែការមិនសូវបានចូលលេងជាជម្រើស១១នាក់ដំបូង វាអាចជាឱកាសមួយដែលធ្វើអោយក្លិបធំៗជាច្រើននៅអឺរ៉ុបចាប់អារម្មណ៍ទៅលើរូបគេរួមមានក្លិប Manchester United និង Juventus ដោយយោងតាមកាសែត Mundo Deportivo បានអោយដឹងថាក្លិប Inter Milan បច្ចុប្បន្នក៏នឹងចូលរួមប្រជែងដណ្ដើមយកកីឡាករ Rakitic ផងដែរ។
តាមរយៈប្រភពដដែលបានអោយដឹងថាកីឡាករសញ្ជាតិក្រូអាតរូបនេះក៏ជាកីឡាករ១រូបដែលស្ថិតក្នុងបញ្ជីកីឡាករដែលលោក Solskjaer ចង់បាននៅខែមករានេះផងដែរ ដោយសព្វថ្ងៃក្រោមរបស់លោក Ole កំពុងខ្វះកម្លាំងនៅតំបន់កណ្ដាល។
Rakitic បានប្រាប់ប្រព័ន្ធផ្សព្វផ្សាយ ២៤ របស់ក្រូអាតថា៖
"ខ្ញុំពិតជាពិបាកចិត្តណាស់ពីព្រោះខ្ញុំចង់លេង មិនមែននៅអង្គុយត្រឹមជាផ្នែកមួយនៃក្រុមនោះទេ។ ខ្ញុំនឹងព្យាយាមគ្រប់យ៉ាងដើម្បីស្ដារស្ថានភាពនេះ។ កុងត្រារបស់ខ្ញុំនៅសល់រយៈពេល២ឆ្នាំទៀត ហើយវាកន្លែងណាល្អជាង Barcelona ទៀតទេ។"
Rakitic បាននិយាយបន្តទៀតថា៖
"Barcelona ជាក្លិបល្អបំផុតលើពិភពលោក ប៉ុន្តែខ្ញុំជាកីឡាករខ្ញុំត្រូវការលេងមិនមែននៅដើរកម្សាន្តតាមទីក្រុងនិងឆ្នេរសមុទ្រនោះទេ។"
ប្រភព៖ Dailymail
Bong I.T