កូរ៉េខាងត្បូង៖ កាលពីម្សិលមិញនេះ ក្រុមចម្រៀងនារី BLACKPINK បានចូលរួមក្នុងកម្មវិធីសម្ពោធផលិតផលមួយ ក្នុងការគម្រប់ខួប៧០ឆ្នាំ ដោយក្នុងនោះក៏មានការចូលរួមពីកីឡាករបាល់ទាត់ដ៏ល្បីលោក David Beckham ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែអ្វីដែលគួរឲ្យភ្ញាក់ផ្អើលនោះ ក្រុម BLACKPINK ត្រូវបានព័ត៌មានចុះផ្សាយយ៉ាងសុះសាយថា ក្រុមចម្រៀងនេះត្រូវឡើងឆាកជាមួយលោក David Beckham នៅម៉ោង ១២ថ្ងៃត្រង់ ក៏ប៉ុន្តែពួកគេមកយឺតដូច្នេះហើយ កម្មវិធីត្រូវពន្យាពេលដោយសារពួកគេ។
ក្រោយពីមានព័ត៌មាននេះល្បីសុះសាយភ្លាម មិនបង្អង់យូរ អ្នកគាំទ្ររបស់ក្រុម BLACKPINK បានចេញមុខបដិសេធនឹងព័ត៌មានទាំងនោះថា ក្រុម BLACKPINK មិនបានមកយឺតដូចដែលព័ត៌មានចុះផ្សាយនោះទេ ហើយពួកគេបានមកអង្គុយចាំមុននៅបន្ទប់រង់ចាំជាង១ម៉ោងទៀត។ ក្នុងនោះ ពួកគេបានបញ្ជាក់បន្ថែម ដោយលើកយកភស្តុតាងរូបភាពមួយចំនួន ដែលថតបានអំឡុងពេលនោះ។
សម្រាប់រូបថតទាំងនោះ បានបង្ហាញថា ក្រុម BLACKPINK កំពុងតែនៅបន្ទប់រង់ចាំនៅម៉ោង ១១:២៧ ព្រឹក ម៉ោងក្នុងប្រទេសកូរ៉េ។ ហើយអ្នកគ្រប់គ្រងរបស់ក្រុមចម្រៀងនារីនេះ ក៏បានថតរូបរបស់លោក David Beckham ផងដែរ។
ទោះជាយ៉ាងណាក្តី ផ្អែកតាមប្រភពអ្នកគាំទ្របានបញ្ជាក់ឲ្យដឹងថា ចំពោះព័ត៌មានដែលចេញផ្សាយថាក្រុម BLACKPINK មកកម្មវិធីយឺត គឺជាឆាកដំបូងក្នុងកម្មវិធីតែប៉ុណ្ណោះ ឯចំណែកក្រុម BLACKPINK ត្រូវឡើងឆាកទី២ ជាមួយកីឡាករបាល់ទាត់លោក David Beckham៕
តើប្រិយមិត្តយល់យ៉ាងណាដែរ?