បើមានម៉ាក់ ប៉ា អ៊ំៗ ឬយើងផ្ទាល់ មានជំងឺគាំងបេះដូង ក្រៅពីប្រើថ្នាំ គឺនៅមានវិធីសាស្ត្រអាចជួយឲ្យប្រព័ន្ធសរសៃឈាមបេះដូងប្រសើរបាន និងអាចកាត់បន្ថយបញ្ហាគាំងបេះដូងទៀតផង។ “Hello គ្រូពេទ្យ” នឹងណែនាំវិធីសាស្ត្រជួយឲ្យសុខភាពបេះដូងប្រសើរឡើងដោយគ្មានគ្រោះថ្នាក់ដូចលេបថ្នាំទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- សមាធិ
សមាធិ អាចជួយបន្ថយស្ត្រេស សម្ពាធឈាម ដែលជាមូលហេតុនាំឲ្យកើតជំងឺសរសៃឈាមបេះដូង និងគាំងបេះដូងបាន។ សមាធិ មានច្រើនបែប ដូចជា៖
– សមាធិដោយប្រមូលអារម្មណ៍ឲ្យមូល– សមាធិដោយស្ងប់ស្ងាត់ (Mantra meditation)– ហាត់គុនជីកុង (Qigong)– ហាត់គុនថៃជី (Tai chi)– ហាត់យ៉ូហ្គា។
គ្រាន់តែអង្គុយមួយកន្លែង បិទភ្នែក និយាយពាក្យណាមួយ មួយឃ្លា ម្តងហើយម្តងទៀត រយៈពេល ២០នាទី ឲ្យបានស្ងប់ស្ងាត់បំផុត រំសាយអារម្មណ៍ មានទំនាក់ទំនងល្អរវាងផ្លូវរាងកាយ និងផ្លូវចិត្ត។
២- របបអាហារ
របបអាហារត្រឹមត្រូវ សំខាន់ណាស់សម្រាប់សុខភាពបេះដូង បង្ការជំងឺសរសៃឈាមបេះដូង និងគាំងបេះដូង។ របបអាហារសុខភាពមានបន្លែ ផ្លែឈើ អង្ករសម្រូប និងអាហារមានប្រូតេអ៊ីន ប៉ុន្តែគួរចៀសវាងអាហារកែច្នៃ (កំប៉ុង) ផ្ទុកជាតិស្ករ និងខ្លាញ់ខ្ពស់។
សមាគមសុខភាពបេះដូងអាមេរិក បានណែនាំឲ្យញ៉ាំអាស៊ីដអូមេហ្កា ៣ (Omega-3) យ៉ាងតិច ២ ដងក្នុងមួយសប្តាហ៍ ព្រោះអាចកាត់បន្ថយបញ្ហាប្រឈមជំងឺបេះដូងបាន។ អាស៊ីដអូមេហ្កា ៣ សម្បូរក្នុងត្រីតំបន់ត្រជាក់ មាន ត្រីសាឌីន ត្រីសាល់ម៉ុន ត្រីស្បៃកា។ ប្រើថ្នាំបំប៉នអាស៊ីដអូមេហ្គា ៣ អាចជួយបានដូចគ្នា ប៉ុន្តែត្រូវពិគ្រោះជាមួយពេទ្យសិន។
ប្រយ័ត្នប្រើថ្នាំបំប៉នអូមេហ្គា ៣ ប្រភេទខ្លាញ់ច្រើន នាំឲ្យឈាមរាវ ពិសេសគ្នាយើងឧស្សាហ៍មានរបួស មានជំងឺឈាមក្រកក ឬកំពុងប្រើថ្នាំ Warfarin និងអាស្ពីរីន។
៣- ហាត់ប្រាណឲ្យទៀងទាត់
ហាត់ប្រាណអាចថែសុខភាពបេះដូង ហើយជួយបន្ថយសម្ពាធឈាម ជាតិខ្លាញ់ និងគ្រប់គ្រងទម្ងន់។ មិនបាច់ហាត់ធ្ងន់ៗទេ គ្រាន់តែដើរឲ្យបាន ៣០ នាទី ៥ ដងក្នុងមួយសប្តាហ៍។ ពិគ្រោះជាមួយពេទ្យសិន មុននឹងចាប់ហាត់ប្រាណ ពិសេសអ្នកធ្លាប់គាំងបេះដូងពីមុន។
ផ្លាស់ប្តូររបៀបរស់នៅ អាចជួយបានច្រើន ដើម្បីបង្ការជំងឺបេះដូង និងសុខភាពល្អ។ យើងមិនគួរប្រើវិធីទាំងនេះទេ បើសង្ស័យថាកំពុងមានរោគសញ្ញាគាំងបេះដូង ត្រូវប្រញាប់ជួបពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T