អារម្មណ៍ពេលនៅម្នាក់ឯង អ្នកខ្លះអាចអផ្សុក អ្នកខ្លះអាចគិតអីផ្តេសផ្តាសច្រើន ឬគិតថាខ្លួនឯងទំនេរច្រើន គ្មានប្រយោជន៍ជាដើម ជាពិសេសអ្នកនៅឆ្ងាយពីគ្រួសារ មកធ្វើការ ឬសិក្សានៅទីក្រុងជាដើម។ បើនៅម្នាក់ឯង ចូលចិត្តធ្វើអី?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីជាការបំបាត់ចោលអារម្មណ៍ទុក្ខព្រួយទាំងនោះ អ្នករស់នៅតែឯងៗ នៅតាមបណ្តាទីក្រុងនានាមួយចំនួន ពីជុំវិញពីពិភពលោក បានចែករំលែកជាបទពិសោធដូចខាងក្រោម៖
១. រកការងារក្រៅម៉ោងធ្វើ ឬធ្វើអ្វីដែលជាការកម្សាន្តតាមចំណូលចិត្តអ្នកបំបាត់ភាពឯកោ អាចធ្វើបានតាមរយៈវិធីនេះ ព្រោះថា នៅពេលអ្នកចាប់អារម្មណ៍អ្វីមួយតាមបែបកម្សាន្ត ការងារ ឬការកម្សាន្តតាមបែបអ្នកចូលចិត្ត នឹងធ្វើឲ្យអ្នករវល់សប្បាយភ្លេចគិតអារម្មណ៍ឯកោជាក់ជាពុំខាន។ មិនថា ទៅអានសៀវភៅ ទៅមើលកុនដែលចូលចិត្ត ឬធ្វើតាមអ្វីដែលជម្រុញចិត្តអ្នកដូចជា ទៅហែលទឹកដូច ពួកកីឡាករ Idol ក្នុងចិត្តអ្នកក៏បាន។
២. ទៅកន្លែងណាមានមនុស្សច្រើន អាចបង្កើតទំនាក់ទំនងបានទៅហាងកាហ្វេទៅកន្លែងហាត់ប្រាណ ឬទៅបណ្ណាល័យអានសៀវភៅប្រាកដណាស់ថា អ្នកនៅទីនោះហោចណាស់ក៏មានអ្វីដែលជាចំណូលចិត្តស្រដៀងអ្នកដែរ ហើយពេលនោះអ្នកនឹងអាចបង្កើតបានជាមិត្តភក្តិ នៅទីនោះ ជាការនិយាយគ្នាលេង ឬជាកន្លែងចែករំលែកព័ត៌មាន សម្រាប់អ្នកផងដែលដូចនេះនឹងអាចនាំអ្នកចាកឆ្ងាយពីភាពអផ្សុកក៏ថាបាន។
៣. ស្តាប់ចម្រៀង ឬអានឯកសារផ្សេងៗ មើលទៅដូចជាចម្លែកបន្តិច ប៉ុន្តែសាកគិតមើលបើអ្នកស្តាប់បទដែលអ្នកចូលចិត្តកម្សាន្តអារម្មណ៍ ឬមួយក៏អានសៀវភៅល្អៗជាចំណេះដឹង បង្កើតបានជាគំនិតថ្មីៗ ហើយបញ្ចេញជាសកម្មភាពនោះអ្នកមិនមានអារម្មណ៍ថាឯកោទៀតទេ។
៤. រៀបចំកន្លែងនៅឲ្យស្អាត ពេលត្រឡប់មកផ្ទះវិញនៅមានអារម្មណ៍ថាឯកោម្នាក់ឯង ប៉ុន្តែអ្នកអាចយកពេលនោះ ទៅរៀបចំកន្លែងនៅរបស់អ្នកឲ្យស្អាតប្លែក ឬរៀបចំរចនាតាមបិរយាកាសដែលអ្នកចូលចិត្ត នោះមិនត្រឹមតែបានទាំងកន្លែងនៅស្រស់ស្រាយប៉ុណ្ណោះ អ្នកក៏នឹងមិនមានអារម្មណ៍ថាអផ្សុក ឬគ្មានប្រយោជន៍ទៀតដែរ។
៥. នាំមិត្តភកិ្តមកលេងផ្ទះ ពិតណាស់បើនៅតែឯងរាល់ថ្ងៃអផ្សុកពេក ចុះបើបង្កើតកម្មវិធីមួយជួបជុំមិត្តភក្តិធ្វើនៅផ្ទះរបស់អ្នកនោះ ភាពអផ្សុកប្រហែលជារត់ចេញពីផ្ទះអ្នកហើយ។ ហើយបើមានមិត្តភក្តិពូកែនាំលេងសើចសប្បាយទៀតនោះ ប្រាកដណាស់ច្បាស់ជាអ្នកមិនហ៊ានថាខ្លួនឯង អផ្សុក ឬឯកោទៀតទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet