អីយ៉ា ស្ងាត់ៗ ឃុយ ម៉ីហៀង ចេញបទភ្ជុំបិណ្ឌជាមួយ ទេព ពិសិដ្ឋ ពីរោះណាស់ (មានចម្រៀង)

ភ្នំពេញ៖ កាលពីម្សិលមិញនេះ តារាចម្រៀងប្រចាំផលិតកម្មរស្មីហង្សមាសវ័យក្មេងពីរដួងគឺ ប្អូនប្រុស ទេព ពិសិដ្ឋ និងប្អូនស្រី ឃុយ ម៉ីហៀង បានបង្កការភ្ញាក់ផ្អើលដល់អ្នកគាំទ្រខ្លាំងមែនទែន ក្រោយពីអ្នកទាំងពីរបានចេញបទចម្រៀងរួមគ្នាលើកទីមួយ សម្រាប់ស្វាមគន៍ពិធីបុណ្យភ្ជុំបិណ្ឌ។

ក្នុងនោះដែរ សម្រាប់បទចម្រៀងថ្មីមួយបទនេះ មានចំណងជើងថា “ភ្ជុំអូនចង់ទៅខេត្តណា” ដែលមានអត្ថន័យ និងសាច់ភ្លេងពិតជាពីរោះមែនទែន ដែលធ្វើឲ្យអ្នកគាំទ្រស្តាប់ហើយ ចាប់អារម្មណ៍ និងលាន់មាត់សរសើរគ្រប់គ្នាតែម្តង។

យ៉ាងណាមិញ នេះគឺជាលើកទីមួយហើយ ដែលប្អូនស្រី ឃុយ ម៉ីហៀង បានចេញបទចម្រៀងរួមគ្នាជាមួយម្ចាស់ពានរង្វាន់កម្មវិធីលំដាប់ពិភពលោក The Voice Kid Cambodia រដូវកាលទី២។

ម៉្យាងវិញទៀត អ្នកគាំទ្រក៏មានការរំភើបចិត្ត ក្រោយពីឃើញបទចម្រៀងថ្មីរបស់ប្អូនស្រី ឃុយ ម៉ីហៀង ព្រោះថាអ្នកគាំទ្រជាច្រើន បានរង់ចាំបទថ្មីរបស់ប្អូនអស់មួយរយៈធំមកហើយ៕

តើប្រិយមិត្តយល់យ៉ាងណាដែរ?

ចង់ដឹងថាបទថ្មីរបស់ ម៉ីហៀង និង ពិសិដ្ឋ ពីរោះយ៉ាងណា តោះទៅស្តាប់ទាំងអស់គ្នា៖