ក្នុងឱកាសជួបជុំក្រុមគ្រួសារនាឱកាសបុណ្យភ្ជុំបិណ្ឌនេះ ប្រាកដជាមានការធ្វើអាហារញ៉ាំជុំគ្នាជាច្រើនមុន។ ដោយហេតុថា ត្រី សាច់ បន្លែ ផ្លែឈើ មួយចំនួនមានសារធាតុពុល ឬសារធាតុគីមីនោះ កាលណាយើងចម្អិនមិនបានឆ្អិនល្អ ខ្វះអនាម័យ ទុកដាក់មិនបានត្រឹមត្រូវនោះ អាចឲ្យយើងពុលចំណីអាហារ ទៅជាក្អួតចង្អោរ បាត់បង់ជាតិទឹក គ្រុនក្តៅ ឈឺក្បាល រាករូស ឈឺពេញពោះ វិលមុខ អស់កម្លាំងខ្លាំងឈានទៅបាត់បង់ស្មារតី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើម្បីបង្ការការពុលចំណីអាហារ ធ្វើឲ្យប៉ះពាល់ដល់សុខភាព ដែលករណីធ្ងន់ធ្ងរអាចគ្រោះថ្នាក់ដល់ជីវិតនោះ យើងចាំបាច់មានការប្រុងប្រយ័ត្ន។ ខាងក្រោមនេះជាតិចនិកងាយៗបង្ការការពុលចំណីអាហារ៖
– លាងសម្អាតបន្លែ ផ្លែឈើ សាច់ និងសម្ភារៈប្រើសម្រាប់ចម្អិនម្ហូបឲ្យបានស្អាត
– ប្រើប្រាស់ទឹកស្អាត និងម្ហូបអាហារស្អាត និងឆ្អិនជានិច្ច
– ត្រូវរក្សាទុក បន្លែ ផ្លែឈើ សាច់ នៅក្នុងសីតុណ្ហភាពតិចជាង ៥ អង្សារសេ ហើយបើនៅក្នុងប្រព័ន្ធកម្តៅត្រូវលើសពី ៦០ អង្សារសេ
– ចម្អិនអាហារឲ្យបានឆ្អិនល្អ ជាពិសេស សាច់ សត្វស្លាប ស៊ុត និងអាហារសមុទ្រ
– ទុកដាក់ចំណីអាហារឆៅ និងឆ្អិន ឲ្យដាច់ដោយឡែកពីគ្នា
– កុំញ៉ាំចំណីអាហារហួសកាលកំណត់ប្រើប្រាស់
– ត្រូវលាងដៃនឹងសាប៊ូមុនពេល និងពេលរៀបចំម្ហូបអាហារ មុនញ៉ាំអាហារ និងក្រោយពេលបន្ទោរបង់រួច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet