ភ្នំពេញ៖ សហព័ន្ធកីឡាបាល់ទាត់កម្ពុជា (FFC) កាលពីព្រឹកថ្ងៃព្រហស្បតិ៍នេះបានបញ្ចេញឈ្មោះកីឡាករបឋមប្រមូលផ្ដុំហ្វឹកហាត់ត្រៀមការប្រកួត FIFA World Cup Qatar 2022 វគ្គជម្រុះ Preliminary Joint Qualification ជុំទីពីរសាជាថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងបញ្ជីឈ្មោះបឋមលើកនេះគេមិនសូវឃើញមានការផ្លាស់ប្ដូរច្រើនខុសពីលើកមុននោះទេ
ប៉ុន្តែគេសង្កេតឃើញមានឈ្មោះខ្សែប្រយុទ្ធរបស់ព្រះខ័នរាជស្វាយរៀង ប្រាក់ មុន្នីឧត្តម
និងខ្សែបម្រើរបស់ Terranganu FC ធារី ចន្ថាប៊ីន។
យ៉ាងណាមិញ លោក Felix G. Dalmas ដែលជាគ្រូបង្គោលរបស់ក្រុមជម្រើសជាតិកម្ពុជានៅតែបន្តមិនកោះហៅខ្សែប្រយុទ្ធជួរមុខរបស់បឹងកេត ចាន់ វឌ្ឍនាកា បើទោះបីជាមានអ្នកគាំទ្រជាច្រើនគិតថាគេអាចនឹងមានឈ្មោះ ក្រោយបង្ហាញទម្រង់លេងបានល្អក្នុងវគ្គពាក់កណ្ដាលផ្ដាច់ព្រ័ត្រពាន Hun Sen Cup ទល់នឹងវិសាខាក៏ដោយ។
គួរបញ្ជាក់ផងដែរថា ក្រុមជម្រើសជាតិគោព្រៃកម្ពុជា នឹងត្រូវមានភារកិច្ច ២ប្រកួតទៀតនៅខែក្រោយពោលគឺនឹងត្រូវជួបជាមួយក្រុមជម្រើសជាតិអ៊ីរ៉ង់ នៅថ្ងៃទី១០ ខែតុលា ឆ្នាំ២០១៩ នៅក្រៅដី មុននឹងបន្តមកប៉ះជាមួយក្រុមជម្រើសជាតិអ៊ីរ៉ាក់ នៅថ្ងៃទី១៥ ខែតុលា ឆ្នាំ២០១៩ នៅពហុកីឡដ្ឋានជាតិ៕