ក្លិបយក្សនៅអ៊ីតាលី Serie A មួយសម្លឹងឃើញកីឡាកររបស់ Spur ១រូបក្នុងតម្លៃ២៧លានផោន

អ៊ីតាលី៖ ក្លិប AC Milan ត្រូវបានគេរាយការណ៍ថាកំពុងពិចារណាលើការផ្ទេរយកខ្សែការពារស្លាបស្តាំវ័យអាយុ ២៦ឆ្នាំ កីឡាករ Serge Aurier របស់Tottenham Hotspur ក្នុងតម្លៃ២៧លានផោន។

កីឡាកររួបនេះបានចូលរួមជាមួយ​ Spur ក្រោយផ្ទេរពី PSG កាលពីឆ្នាំ២០១៧ ក្នុងតម្លៃ២៣លានផោន។ កីឡាករវ័យ២៦ឆ្នាំរូបនេះ ស៊ុតបញ្ចូលទីបាន៤គ្រាប់និងបញ្ជូនបាល់អោយមិត្តរួមក្រុមស៊ុតបញ្ចូលទីបាន៧គ្រាប់ក្នុងការបង្ហាញខ្លួនចំនួន៤៣លើកអោយ​ក្រុម​ Tottenham Hotspur ។

យោងតាមគេហទំព័រ Sports Mediaset បានអោយដឹងថាក្លិប AC Milan កំពុងដាក់ការចាប់អារម្មណ៍ទៅលើកីឡាករ Aurier ដោយចាត់ទុកកីឡាកររូបនេះជាជម្រើសល្អក្នុងការជំនួសកីឡាករ Davide Calabria និងកីឡាករ Andrea Conti ដែលកំពុងបង្ហាញទម្រង់លេងមិនសូវបានល្អ។

AC Milan ចង់បាន Aurier ប៉ុន្តែ Spur ប្រហែលជាចង់រក្សាទុកកីឡាកររូបនេះ ដោយមើលឃើញថា Spur បានដាក់កីឡាកររូបនេះចូលលេងក្នុង២ប្រកួតចុងក្រោយ ហើយ Aurier អាចនឹងលេងបានច្រើនប្រកួតទៀតក្រោមការដឹកនាំរបស់លោក Pochettino នៅរដូវកាលនេះ៕

ប្រភព៖ Caughtoffside