សមនឹងឈ្មោះជា តារាស្រីសុភាពមែន ពេល សុគន្ធ និសា និងណាក់ ស្រីណា ស្លៀកក្នុងឈុតបែបខ្មែរបែបនេះ

ភ្នំពេញ៖ ស្របពេលដែលនេះ  ជារដូវកាន់បិណ្ឌ ប្រចាំពិធីបុណ្យភ្ជុំបិណ្ឌ ប្រពៃណីខ្មែរ គេឃើញមានតារាប្រុសស្រី ជាច្រើនដួងបានតែងខ្លួន យ៉ាងសមសួន ក្នុងឈុតបែបប្រពៃណីខ្មែរ​ មើលទៅសមជាកូនខ្មែរពិតៗតែម្ដង។

ក្នុងនោះដែរ​​ សុគន្ធ និសា ដែលជាតារាចម្រៀងដ៏ល្បី និង កញ្ញា ណាក់ ស្រីណា ដែលជាមនុស្សជិតស្និទ្ធ ថែមទាំងមានឈ្មោះជា តារាស្រីស្រគត់ស្រគុំដូចគ្នា បានបង្កភាពភ្ញាក់ផ្អើលយ៉ាងខ្លាំង ក្រោយពីបានបង្ហោះរូបភាព ជាច្រើនសន្លឹក ជាមួយគ្នា ពេលទៅវត្ត។

បន្ថែមពីនេះ តារាស្រីទាំង២ដួងនេះ​​ បានបង្អួតសម្រស់ ក្នុងឈុតអាវប៉ាក់ស និងសំពត់ហូលពណ៌ទឹកប៊ិច និងបៃតង ជាមួយនឹងទឹកមុខស្រស់ស្អាត បង្ហាញភាពលេចធ្លោមិនចាញ់គ្នាទេ។

ដោយឡែក ណាក់ ស្រីណា និងសុគន្ធ និសា បានឆាបយកបេះដូងពីហ្វេនៗ បានមិនតិចនាក់ទេ ដោយសារតែស្នាមញញឹមស្រស់ថ្លា មើលទៅសមសួនជា នារីខ្មែរពិតៗ ទាំងពីរនាក់ និងត្រូវចិត្តហ្វេនៗគ្រប់គ្នាតែម្ដង៕