ភ្នំពេញ៖ ដូចដែលប្រិយមិត្តបានជ្រាបហើយ ថាបច្ចុប្បន្ននេះ សន្ទុះនៃការគាំទ្រសិល្បៈបុរាណល្ខោនខ្មែរ កាន់តែមានការថយចុះខ្លាំងគួរឲ្យកត់សម្គាល់ ពោលគឺបើនិយាយឲ្យចំទៅ យុវជនយុវតីខ្មែរសម័យថ្មីមួយចំនួនធំ ហាក់បីដូចជាមិនសូវមានភាពអើពើជាមួយនឹង សិល្បៈមួយនេះប៉ុន្មានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែមិនថាយ៉ាងណា ទន្ទឹមនឹងសិល្បៈល្ខោនខ្មែរ កាន់តែខ្សត់ខ្សោយអ្នកគាំទ្រទស្សនា ដល់ថ្នាក់ធ្វើឲ្យសិល្បៈករជាច្រើនបាក់ទឹកចិត្តយ៉ាងណាក្តី ក៏ប៉ុន្តែកាលពីថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏បានប្រកាសឧបត្ដម្ភប្រាក់មួយចំនួន ដើម្បីលើកទឹកចិត្តដល់ ក្រុមល្ខោនបាសាក់របស់ តារាកំប្លែងនាយកុយផងដែរ។
តួយ៉ាង តាមរយៈការបង្ហោះរបស់លោក ហេង ឡុងបានឲ្យដឹងថា៖
« សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧបត្ថម្ភប្រាក់ចំនួន ២លានរៀល តាមរយៈ “មូលនិធិសិល្បៈចាស់ជរា” របស់សមាគមសិល្បករខ្មែរ ជូនក្រុមល្ខោនបាសាក់នាយកុយ បន្ទាប់ពីគាត់បានប្រកាសចូលលេងល្ខោន ជូនបងប្អូនទស្សនាដោយឥតគិតថ្លៃ នៅវត្តឈូងលៀប ស្រុកស្អាង នៅថ្ងៃទី២០ ខែ កញ្ញា ឆ្នាំ២០១៩ ក្នុងឱកាសបុណ្យភ្ជុំបិណ្ឌប្រពៃណីជាតិនេះ។»
គួរឲ្យដឹងផងដែរ កន្លងសម្តេចតេជោ ហ៊ុន សែន លោកក៏ជាអ្នកគាំទ្រម្នាក់ របស់ក្រុមល្ខោនបាសាក់របស់នាយកុយផងដែរ មិនតែប៉ុណ្ណោះ កាលពីមួយរយៈកន្លងទៅថ្មីៗនេះ លោកថែមទាំងបានចូលទស្សនា និងComment នៅលើការ Live ផ្ទាល់នៅលើហ្វេសប៊ុក នៃការសម្តែងល្ខោនរបស់ក្រុមនាយកុយ ថែមទៀតផងដែរ៕